हिरो माभरिक एक्स४४० लन्च हुने तयारीमा, जारी भयो एक्जस्ट नोट

हिरो मोटोकर्पले आफ्नो नयाँ बाइक जनवरी २३ मा लन्च गर्ने तयारी गरिरहेको छ । कम्पनीले यसमा हार्ले डेभिडसन एक्स४४० को इन्जिन साझा गर्नेछ । कम्पनीले हालै आफ्नो एक्जस्ट नोटको साथ केही महत्वपूर्ण जानकारी साझा गरेको छ ।

माभरिक ४४० रोडस्टर जस्तो देखिन्छ र एच आकारको डेटाइम रनिङ ल्याम्पसहितको नयाँ एलईडी हेडल्याम्प समावेश छ । यसमा श्राउड र सिंगल–पीस सिटसहितको फ्युल ट्याङकी रहेको छ । हिरो माभरिक एक्स४४० निकै आकर्षक देखिन्छ । कम्पनीले सो बाइक मुख्यतयाः युवावर्गलाई लक्षित गर्नेछ ।

हिरो माभरिक ४४० मा पावरको लागि एक्स४४० को इन्जिनबाट लिइनेछ । यसमा ४४० सीसीको सिंगल सिलिन्डर आयल कुल्ड इन्जिन जडान गरिएको छ, जसले २७ बीएचपी पावर र ३८ एनएम टर्क जेनेरेट गर्छ । सो इन्जिनलाई ६ स्पिड गियरबक्ससँग जोडिएको छ ।