हिरो करिज्मा एक्सएमआरको हेडलाइट र टेललाइट सार्वजनिक, अगस्ट २९ मा लन्च हुने

सन् २००३ मा पहिलो पटक लन्च गरिएको हिरो मोटोकर्पको करिज्मा पुनः लन्च हुने भएको छ । कम्पनीले करिज्मा एक्सएमआरको नयाँ टिजर जारी गरेको छ । करिज्मा एक्सएमआर अगस्त २९ मा लन्च हुने भएको छ । यो पूर्ण रूपमा फेयर बाइक हुनेछ ।

हालै सार्वजनिक गरिएको अर्को टिजरमा यसको हेडलाइट र टेललाइटको झलक देखाइएको छ । यसमा ड्युअल प्रोजेक्टर एलईडी हेडल्याम्प दिइएको छ ।

हिरो करिज्मा एक्सएमआरमा अग्लो रियर र स्प्लिट सिट दिइएको छ । यस बाइकमा क्लिप अन ह्यान्डलबार, रियर सेट फुट पेग्स, नयाँ लाइट अलोय ह्विल, रियर भ्यू मिरर आदि दिइएको छ ।

बाइकमा सस्पेन्सनका लागि अगाडिको भागमा टेलिस्कोपिक फ्रन्ट फोर्क र रियरमा मोनोशक रियर एब्जर्बर प्रदान गरिएको छ । यसमा २१० सीसी सिंगल सिलिन्डर लिक्विड कुल्ड इन्जिन दिइएको छ, जसले २५ बीएचपीको पावर र २७ एनएमको टर्क जेनेरेट गर्छ । सो इन्जिनमा ६ स्पिड गियरबक्स हुनेछ ।

यसमा ब्लुटुथ कनेक्टिभिटी, डिजिटल इन्स्ट्रयुमेन्ट क्लस्टर, एलईडी हेडलाइट, एलईडी टेललाइट जस्ता फिचर दिइएको छ । यसमा आकर्षक फ्रन्ट एन्ड, शार्प साइड प्यानल, मस्कुलर फ्युल ट्याङ र स्प्लिट स्टाइल सिट दिइएको छ । यसमा शार्प लाइन र एङ्गल दिइएको छ ।

हिरो करिज्मा एक्सएमआरको बुकिङ चाँडै सुरु हुनेछ र यसको डेलिभरी सेप्टेम्बर २०२३ देखि सुरु हुनेछ । सो बाइकको मूल्य १ लाख ७० हजार भारु हुने अनुमान गरिएको छ । सो बाइकले भारतीय बजारमा १८० देखि २०० सीसीसम्मका बाइकसँग प्रतिस्पर्धा गर्नेछ ।