यसरी लिन सकिन्छ ५.९९ प्रतिशत ब्याजदरमै हिरोका मोटरसाइकल र स्कुटर

काठमाडौं – नेपालका लागि हिरोको आधिकारिक वितरक नेपाल जनरल मार्केटिङले ५.९९ प्रतिशत ब्याजदरमै हिरोका मोटरसाइकल तथा स्कुटर उपलब्ध गराइरहेको छ । कुनै पनि मोडलको हिरोका मोटरसाइकल तथा स्कुटरमा सो व्यवस्था लागू हुने कम्पनीको भनाइ छ ।

यद्यपि यसका लागि शुरुमा ६० प्रतिशत डाउन पेमेन्ट भने बुझाउनु पर्नेछ । त्यसैगरी बाँकी रकम एक वर्ष भित्र किस्ताबन्दीको रुपमा बुझाउनु पर्नेछ । नेपालभर रहेका हिरोका शोरुमहरुले यो सुविधा उपलब्ध गराइरहेका छन् ।

नेपाली बजारमा हिरोका प्लेजर, ड्युएट, माएस्ट्रो एज र डेस्टिनी स्कुटर उपलब्ध छन् । यी स्कुटरको मूल्य १ लाख ९३ हजार ५ सय देखि २ लाख ६८ हजार रुपैयाँ सम्म छ ।

त्यसैगरी नेपाली बजारमा सबैभन्दा कम मूल्य १ लाख ८३ हजारको एचएफ डिलक्स देखि सबैभन्दा महंगो ४ लाख ५२ हजार रुपैयाँको एक्सपल्स २०० फोरभी एफआई बीएस६ सम्मको हिरोका मोटरसाइकल उपलब्ध छन् ।