११० सिसी इन्जिनमा पनि आयो हिरो डेस्टिनी, यस्तो छ मूल्य र फिचर

हिरो मोटोकर्पले भारतमा डेस्टिनी ११० लन्च गरेको छ । यसअघि १२५ सिसी इन्जिनमा मात्र उपलब्ध सो नयाँ स्कुटरको मूल्य ७२ हजार भारु निर्धारण गरिएको छ ।

स्कुटरमा क्रोम एक्सेन्टसहितको नियो–रेट्रो डिजाइन, एलईडी प्रोजेक्टर हेडल्याम्प र एच–आकारको एलईडी टेल ल्याम्प रहेको छ । मेटल बडी प्यानलमा तयार पारिएको सो नयाँ सकुटरमा १२ इन्चको एलोय ह्वील जडान गरिएको छ ।

डेस्टिनी ११० मा ७८५ मिमी लामो सिट र पिलियन ब्याकरेस्ट रहेको छ । यसमा अगाडि ग्लोभ बक्स, बुट ल्याम्प र सेमी–डिजिटल इन्स्ट्रुमेन्ट कन्सोल राखिएको छ ।

११० सीसी सिंगल–सिलिन्डर इन्जिन जाडन गरिएको स्कुटरमा हिरोको आई३ एस आइडल स्टप–स्टार्ट सिस्टम पाउन सकिन्छ । डेस्टिनी १०० को पावर ८.१ बीएचपी र टर्क ८.८७ एनएम रहेको छ । स्कुटरले एक लिटर पेट्रोलको खपतमा ५६.२ किलोमिटर माइलेज दिन्छ ।