हिरोले ल्यायो कार्बन फाइबरबाट बनेको बाइक, सय युनिट मात्रै बनाइने

हिरो मोटरकर्पले माभरिक र एक्सट्रिम १२५आर पछि अब नयाँ बाइक सीई००१ समेत सार्वजनिक गरेको छ । सो बाइक करिज्मा एक्सएमआर २१० मा आधारित छ र यो बाइक १०० युनिट मात्र उत्पादन हुनेछ ।

भारतमा हिरोले उक्त बाइक हिरो ग्रुपका संस्थापक डा. बृजमोहन लाल मुन्जालको १००औं जन्मजयन्तीमा श्रद्धाञ्जली स्वरुप डिजाइन गरिएको हो । हिरोले यसलाई भारतमा निर्मित सबैभन्दा विशेष बाइकको रूपमा वर्णन गरेको छ ।

बाइकलाई हल्का बनाउका लागि यसका सम्पूर्ण बडी पार्टस्हरु कार्बन फाइबरबाट बनाइको छ । कम्पनीले सो बाइकको इन्जिनको बारेमा कुनै आधिकारिक जानकारी दिएको छैन, यद्यपि सीई००१ मा स्ट्यान्डर्ड मोडलको तुलनामा पावर बुस्ट हुने सम्भावना छ ।

साथै कम्पनीले यसको मूल्य बारेमा पनि कुनै जानकारी दिएको छैन । तर कम्पनीले सो बाइक जुलाई महिनासम्ममा १०० युनिट डेलिभरी गरिसक्ने जानकारी दिएको छ । यसको लागि बुकिङ पनि शुरु भएको छ ।