२०७८ साउन १३ बुधवार,

ह्यावलको थर्ड जेन एच६ एसयूभी अब नेपालमा, यस्तो छ मूल्य र विशेषता

चीनको प्रसिद्ध अटोमोबाइल कम्पनी ग्रेटवाल अन्तर्गतको कम्पनी ह्यावलको तेस्रो जेनेरेसन एच६ एसयूभी हालै नेपाली बजारमा भित्रिएको छ । नेपालका लागि आधिकारिक वितरकको रुपमा भीजी इम्पेक्स प्रालिले सो एसयूभी नेपाली बजारमा उपलब्ध गराएको हो ।

थर्ड जेन ह्याबल एच६ नेपाली बजारमा उपलब्ध भए पश्चात यो सेगमेन्टमा एक नयाँ प्रतिस्पर्धि थपिएको छ । यसको मूल्य ९६ लाख ९९ हजार ९९९ रुपैयाँ तोकिएको छ ।

यो गाडी एसयूभी वर्गमा सुविधा र लक्जरीको बेजोड नमूना हुनुका साथै शक्ति र विलासिताको अनुपम संगम पनि हो । २.० लिटरको दमदार टर्बो पेट्रोल इन्जिनले अधिकतम आउटपुट दिन्छ । १५० किलोवाट शक्ति र ३२० एनएम टर्क डिस्प्लेस्टमेन्टले अर्कै खाले अनुभूति प्रदान गर्दछ ।

यसको हाइयर ग्राउण्ड क्लियरेन्सले नेपालकोे खाल्डो खुल्डी भएको सडकमा पनि आरामदायी सवारीको अनुभव गराउनका साथै रफ सडकबाट गाडीलाई सुरक्षित राख्दछ । ७२ प्रतिशत उच्च गुणस्तरको स्टिलले बनेको यो गाडीको बनावटले यस गाडीलाई अर्कै खाले स्थिरता र मजबुती प्रदान गर्दछ ।

यसको बाहिरी र भित्री सुन्दरता पनि उत्तिकै राम्रो छ । पानोरामिक सनरुफ, अटोमेटिक वाईपर, मल्टि फङ्सनल स्टेयरिङ, आठ तरिकाले मिलाउन मिल्ने ड्राइभर सिट, ताररहित चार्जिङले गाडीलाई नयाँ स्वरुप दिन्छ । साथै आठ वटा एयरब्याग, ३६० डिग्री हेर्न मिल्ने क्यामेरा, एचएचसी अर्थात हिल होल्ड कन्ट्रोल, ईबीडी सहितको एबीएस सुविधा र एससीएम अर्थात सेकेन्ड संयन्त्र र एफसीएम अर्थात फरवार्ड कोलिजन संयन्त्र सहितका एन्टी–कोलिजन संयन्त्रले दुर्घटनाको सम्भावनालाई घटाउँछ ।

इनबिल्ट इन्टेलिजेन्ट मोबिलिटीले अधिकतम स्पिडमा एलटु स्तरको अटोमेटिक एसीसी ड्राइभको आनन्द दिन्छ । ट्राफिक सिग्नल चिन्ने र लेनमा रही रहने व्यवस्थाले गाडी गुडाउने चालकलाई सुरक्षा र गाडी माथि आफ्नो पूर्ण नियन्त्रणमा भएको अनुभूति दिनेछ ।

गाडीको भित्री बनावट, लेदर सिट एवं बढी लेग स्पेसले आफू एउटा सानदार सवारीमा विराजमान छु भन्ने अनुभूति गराउँदछ । यो गाडी तीनवटा रंगहरु हेमिल्टन व्हाइट, अयेर्स ग्रे र एट्लान्टिस ब्लुमा नेपालमा उपलब्ध हुनेछन् । यो गाडीले नेपालको अटो बजारलाई पुनः परिभाषित गर्ने कुरामा विश्वस्त रहेको कम्पनीको भनाइ छ ।

सम्बन्धित समाचारहरू

फक्सवागनले भेन्टोको स्थानमा भर्टस ल्याउने, यस्तो हुनेछ विशेषता

फक्सवागनले भेन्टोको स्थानमा भर्टस ल्याउने, यस्तो हुनेछ विशेषता

जर्मन कार निर्माता कम्पनी फक्सवागनले नयाँ मिड साइज एसयूभी भर्टस बजारमा...

जीडब्लुएमका तीन गाडी भित्रिए नेपालमा : विश्वकै सस्तो इलेक्ट्रिक कार ओरा आर१  समेत ल्याउने

जीडब्लुएमका तीन गाडी भित्रिए नेपालमा : विश्वकै सस्तो इलेक्ट्रिक कार ओरा आर१ समेत ल्याउने

काठमाडौं – ग्रेटवाल मोटर (जीडब्लुएम) कम्पनीले तीन मोडलका गाडी नेपाली...

२०२१ फक्सवागन टिगुआन अलस्पेस फेसलिफ्टको टिजर सार्वजनिक, यस्तो हुनेछ फिचर

२०२१ फक्सवागन टिगुआन अलस्पेस फेसलिफ्टको टिजर सार्वजनिक, यस्तो हुनेछ फिचर

जर्मनअटोमोबाइल कम्पनी फक्सवागनले गत वर्ष मार्चमा तीन पंक्ति अर्थात थ्री...

लोकप्रिय

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

नेपाल आइपुग्यो भारतमा निकै रुचाइएको किया सोनेट, यस्तो छ मूल्य र विशेषता

काठमाडौं – कियाको बहुप्रतीक्षित कार किया सोनेट नेपाली बजारका लागि...

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

नेपालकै सबैभन्दा सस्तो मध्ये एक इलेक्ट्रिक कार दीगो ई८ को नयाँ मूल्य सार्वजनिक

काठमाडौं – नेपाली बजारमा दीगो ब्रान्डका इलेक्ट्रिक कार उपलब्ध गराइरहेको...