थपियो फक्सवागनको ह्याप्पी न्यु वागन अफर असार ३१ सम्म, गाडी किन्दा छुटैछुट

काठमाडौं – फक्सवागनको नेपालका लागि आधिकारिक वितरक पूजा इन्टरनेसनलले नयाँ वर्ष २०७८ को अवसरमा ल्याएको ‘ह्याप्पी न्यु वागन २०७८, हर्ष नयाँ वर्षको, अफर ४ वर्षको’ अफरलाई आगामी असार ३१ सम्म थप गरेको छ ।

नयाँ वर्ष २०७८ को अवसरमा गत बैशाख देखि नै लागू हुने गरी ल्याएको सो अफर बैशाख १६ गते निषेधाज्ञा प्रारम्भ भएकाले ग्राहकका लागि उपलब्धिमूलक बन्न सकेको थिएन । यही कुरालाई मनन गरी पूजा इन्टरनेसनलले यो अफरलाई थप गरिएको बताएको छ ।

यस अन्तर्गत फक्सवागनको कुनै पनि कार किन्दा ४ वर्ष सम्म कुनै पनि मर्मत शुल्क तिर्नु पर्ने छैन । यो अवधिमा सबै गाडीको निःशुल्क सर्भिसिङ उपलब्ध हुनेछ । त्यसैगरी कार किन्ने ग्राहकलाई एक वर्ष सम्मको बिमा र अन्य कर निःशुल्क उपलब्ध हुनेछ ।

फक्सवागनको नयाँ किनिएको गाडीलाई २ वर्ष सम्म जति किलोमिटर चलाए पनि वारेन्टी उपलब्ध हुनेछ । गाडी किन्दा एसेसरिज निःशुल्क उपलब्ध हुनेछ भने सहज फाइनान्सिङको व्यवस्था समेत उपलब्ध छ ।