बजाजको ५ दिनका लागि मात्र अफर : शून्य प्रतिशत ब्याजदर, १८ महिना किस्ताबन्दी

काठमाडौं – बजाजको नेपालका लागि आधिकारिक वितरक हंसराज हुलासचन्द एन्ड कम्पनीले ५ दिनका लागि विशेष अफर लागू गरेको छ । ‘फाइनान्स जात्रा, १८ महिना ० प्रतिशतमा बजाज यात्रा’ नामक यो अफर काठमाडौं उपत्यकाका लागि आज देखि प्रारम्भ भई आगामी बिहीबार सम्म मात्र उपलब्ध हुनेछ ।

यस अनुसार बजाज मोटरसाइकल किन्न चाहने ग्राहकले किस्ताबन्दीमा मोटरसाइकल किन्न सक्ने छन् र यसमा ब्याज लाग्ने छैन । यद्यपि शुरुमा मोटरसाइकलको मूल्यको ५० प्रतिशत रकम भने बुझाउनु पर्नेछ । बाँकी रकम १८ महिना सम्म किस्ताबन्दीको रुपमा बुझाउन सकिने छ ।

हाल नेपाली बजारमा सबैभन्दा धेरै मूल्यको बजाज डोमिनार ४०० देखि सबैभन्दा कम मूल्यको प्लाटिना मोटरसाइकल उपलब्ध छन् । डोमिनार ४०० को मूल्य ५ लाख ९९ हजार ९ सय रुपैयाँ छ भने प्लाटिनाको मूल्य १ लाख ९७ हजार ९ सय रुपैयाँ छ ।

डोमिनार ४०० को मासिक किस्ता १६ हजार ६६४ रुपैयाँ हुन्छ भने प्लाटिनाको मासिक किस्ता ५ हजार ४९७ रुपैयाँ हुन्छ ।