सेगमेन्टमा सबैभन्दा तीव्र बाइक टीभीएस रेडर आईगो भेरिएन्ट लन्च

टीभीएसले आफ्नो लोकप्रिय बाइक रेडर १२५ को नयाँ आईगो भेरिएन्ट ल्याएको छ । यस नयाँ भेरिएन्टमा धेरै विशेष फिचर थपिएको छ, जसमध्ये सबैभन्दा विशेष यो सेगमेन्टको पहिलो "बुस्ट मोड" हो । साथै बाइकमा नयाँ कलर अप्सन र रेड अलोय ह्विल पनि दिइएको छ ।

रेडर १२५ को नयाँ भेरिएन्ट आफ्नो सेगमेन्टमा सबैभन्दा तीव्र बाइक भएको दाबी छ । सो बाइकको एक्स शोरुम मूल्य ९८ हजार ३ सय ८९ भारु राखिएको छ । टीभीएस रेडर आईगो भेरिएन्टमा फर्स्ट-इन-क्लास बुस्ट मोडका साथै अपग्रेड गरिएको रिभर्स एलसीडी जडान गरिएको क्लस्टर छ ।

टीभीएस रेडरले ३ वर्षभित्र १० लाख युनिट बिक्रीको ठुलो कोशेढुङ्गा पनि हासिल गरेको छ । यो उपलब्धि मनाउन कम्पनीले नयाँ आईगो भेरिएन्ट ल्याएको छ । यसको बुस्ट मोडका कारण  ०.५५ प्रतिशत अतिरिक्त टर्क र १० प्रतिशतसम्म बढी माइलेज पनि बढेको छ । सो बाइकले ११.७५ एनएमको टर्क जेनेरेटगर्छ । यसले ५.८ सेकेन्डमा ०–६० किलोमिटर प्रतिघण्टाको गति लिन्छ ।

नयाँ टीभीएस रेडर आईगो भेरिएन्टमा १२५ सीसीको इन्जिन जडान गरिएको छ, जसले ०.५५ एनएम अतिरिक्त टर्क जेनेरेट गर्न सक्षम छ । सो बाइकमा सेगमेन्टको पहिलो बुस्ट मोड, बेस्ट-इन-क्लास एक्सेलेरेशन, मल्टिपल राइड मोड र नयाँ नार्डो ग्रे कलर अप्सन छ । साथै यसमा स्पोर्टी रेड अलोय ह्विल, रिभर्स एलसीडी क्लस्टर, ब्लुटुथ कनेक्टिभिटी, भ्वाइस असिस्ट, टर्न-बाइ-टर्न नेभिगेसन र कल म्यानेजमेन्ट जस्ता एड्भान्स फिचर पनि समावेश गरिएको छ ।