भारतमा इलेक्ट्रिक टु–ह्विलरको बिक्री पहिलोपटक वर्षमा १० लाख यूनिट नाघ्यो

भारतमा इलेक्ट्रिक टु–ह्लिरको बिक्रीले उच्च बृद्धिदर कायम गरेको छ । इलेक्ट्रिक टु–ह्लिरको बिक्री एक वर्षमा पहिलोपटक १० लाख युनिट नाघेको हो । वाहानको वेबसाइट अनुसार जनवरी १ देखि नोभेम्बर ११, २०२४ सम्म १० लाख ९८७ युनिट ईभी बिक्री टु–ह्विलर बिक्री भएका छन् । जुन अघिल्लो आर्थिक वर्षको तुलनामा ३६ प्रतिशत तथा सन् २०२१ को तुलनामा ५४० प्रतिशतले बढी हो ।

वाहानले सार्बजनिक गरेको तथ्यांक अनुसार ओला इलेक्ट्रिक, टिभीएस, बजाज र एथर एनर्जीले बजारको ८३ प्रतिशत हिस्सा नियन्त्रण गरेको छ । ओलाले ३ लाख ७६ हजार ५५० यूनिट सहित ३७ प्रतिशत बजार लिएको छ भने टिभिएसले १ लाख ८७ हजार ३०१ यूनिट सहित बजार हिस्सा १९ प्रतिशत छ ।

यसैगरी, बजाज अटोको बजार हिस्सा लगभग १६ प्रतिशत छ । कम्पनीले यस वर्षको हालसम्म १ लाख ५७ हजार ५२८ यूनिट स्कुटर बिक्री गरेको उल्लेख गरिएको छ । एथर इनर्जीले १ लाख ७ हजार ३५० यूनिट स्कुटर बिक्री गर्दै हजार हिस्सा १०.७२ प्रतिशत पुर्याएको छ ।

प्रदेशका हिसावले सबैभन्दा बढी महाराष्ट्रमा १८.१८, उत्तर प्रदेशमा १५.७४ र कर्नाटकमा १३.७३ प्रतिशत इलेक्ट्रिक टु–ह्विलर बिक्री भएका छन् । इलेक्ट्रिक टु–ह्विलरको बिक्रीले भारतमा उच्च दरको बृद्धि कायम गरेपनि नेपालमा भने खासै बजार लिन सकिरहेको छैन ।

नेपालमा हाल चीन र भारतबाट ५० भन्दा बढी ब्रान्डका ईभी टु–ह्विलर आयत हुँदै आएका छन् । जसमा चिनियाँ ब्रान्डको बजार हिस्सा उच्च छ ।