भारतमा इलेक्ट्रिक टु ह्विलरको बिक्री ६१ प्रतिशतले घट्यो, यस्तो छ कारण

टु ह्विलरको सवैभन्दा ठूलो बजार भारतमा इलेक्ट्रिक स्कुटरको बिक्री नराम्रोसंग प्रभावित वनेको छ । भारत सरकारले यसअघि दिँदै आएको फेम–२ अनुदान कटौती गरेपछि जुन महिनामा बिक्री ६१ प्रतिशतले कम भएको हो । सो अनुदानमा कटौती भएसंगै स्कुटरको मुल्य २५ देखी ३५ हजार भारुसम्म बृद्धि भएको र यसले बिक्रीमा नराम्रो प्रभाव पारेको उत्पादक कम्पनीहरुले जनाएका छन् ।

गत महिना १ लाख वढी इलेक्ट्रिक स्कुटर बिक्री भएकोमा जुन महिनामा मूस्किलले ४० हजार पुग्ने देखिएको छ । मे महिनामा दैनिक ३ हजार ३९१ युनिट हाराहारी इलेक्ट्रिक वाइक बिक्री भएकोमा यो महिना घटेर दैनिक १ हजार ३६३ हाराहारीमा सिमित भएको छ ।

जुन १ देखी अनुदानमा गरिएको कटौतीले वाइकको मूल्यमा उच्च बृद्धि भएको र यसको सिधा असर बिक्रीमा देखिएको भन्दै ओला, हिरो इलेक्ट्रिक, एथर, बजाज र टिभीएस लगायत उत्पादक कम्पनीहरुले चिन्ता व्यक्त गरेका छन् । बजारमा इभीको क्रेज कामयै रहेका कारण भोलिका दिनमा विस्तारै बिक्रीले गती लिने उनीहरुको आशा छ ।