५० प्रतिशतसम्म छुटमा रोयल इन्फिल्डको राइडिङ गियर

काठमाडौं– रोयल इन्फिल्डको राइडिङ गियरमा भारी छुट अफर आएको छ । नेपालका लागि आधिकारिक वितरक अल्फा अटोमोटिभ प्रालिले ५० प्रतिशतसम्म छुटमा राइडिङ गियर र रोयल इन्फिल्ड लोगो अंकित कपडा बिक्री गर्ने अफर ल्याएको हो । अफर रोयल इन्फिल्डको सम्पूर्ण शोरुममा फागुन ६ देखी १६ गतेसम्म लागु हुनेछ ।

राइडरको सुरक्षालाई मध्यनजर गर्दै कम्पनीले विभिन्न राइडिङ गियर बिक्री गर्दै आएको छ । साथै उच्च गुणस्तरको ज्याकेट, टिसर्ट र बुट लगायत सामाग्री समेत उपलब्ध छ । यी सामाग्रीमा ५० प्रतिशतसम्म छुट दिएर बिक्री गर्न लागिएको हो ।

यी सामाग्रीको प्रयोगले सुरक्षा र आराम प्रदान गर्नुको साथै राइडरलाई कन्फिडेन्ट समेत बनाउने हुँदा पछिल्लो सयम राइडिङ गियर प्रयोग गर्ने प्रचलन बढिरहेको छ । त्यसमाथी, रोयल इन्फिल्ड बाइक लिएर लामो यात्रामा निस्कने राइडरका लागि त झन् यस्ता सामग्रीको प्रयोग गर्नु अपरिहार्य जस्तै देखिन्छ ।