म्याक्सस ईभीका लागि ७ सहरमा डिलर आह्वान, नयाँ भ्यान लन्च हुँदै

काठमाडौं–म्याक्सस ईभीको नेपालका लागि आधिकारिक वितरक हिमालय अर्गनाइजेसनले आफ्नो व्यावसाय विस्तारका लागि देशका विभिन्न ७ सहरमा डिलर आह्वान गरेको छ । कम्पनीले बुटवल, चितवन, विरगंज, धनगढी, इटहरी/बिराटनगर, विर्तामोड/झापा र नेपालगञ्जमा डिलरशिप माग गरेको हो । म्याक्ससको हाल काठमाडौं र पोखरामा मात्र शोरुमा सञ्चालनमा छ ।

चीनको प्रख्यात अटो निर्माता एसएआईसी ग्रुप मातहत उत्पादन हुने म्याक्ससका ईभी प्रिमियम र उच्च गुणस्तरिय मानिन्छन् । नेपाली बजारमा हाल यसको एउटामात्र मोडल इटेरोन–९ पिकअप उपलब्ध छ । कम्फर्ट र प्रिमियम भेरियन्टमा उपलब्ध यस विद्युतीय पिकअपको कम्फर्ट भेरियन्ट हालै लन्च गरिएका हो । जसको मूल्य ८८ लाख रुपैयाँ निर्धारण गरिएको छ । त्यसैगरी, अर्को प्रिमियम भेरियन्टको मूल्य भने १ करोडमाथि पर्छ ।

हिमालय अर्गनाइजेसनले आगामी नाइमा नेपाल मोबिलिटी एक्सपोमा ११ देखी १६ सिट क्षमताको नयाँ विद्युतीय भ्यान लन्च गर्ने तयारी गरेको छ । सो भ्यानको आगमनले नेपालको विद्युतीय मोबिलिटीमा नयाँ आयाम थप्ने कम्पनीको विश्वास छ ।