बीएआईसी र आर्कफक्सका लागि १० शहरमा डिलरशिप आह्वान

काठमाडौं–बीएआईसी र आर्कफक्स ब्रान्डका गाडीको नेपालका लागि आधिकारिक वितरक लक्ष्मी मोटरहबले देशका विभिन्न शहरमा नयाँ डिलर आह्वान गरेको छ ।

कम्पनीले धनगढी, नेपालगञ्ज, बुटवल, भैरहवा, पोखरा, चितवन, इटहरी, विराटनगर, दमक र बिर्तामोडका लागि डिलरशिप आह्वान गरेको हो ।

कम्पनीले यी शहरमा स्थानीय बजार र ग्राहकको आवश्यकतालाई लक्षित गर्दै बीएआईसी तथा आर्कफक्सका सवारीसाधनको बिक्री तथा सेवा नेटवर्क विस्तार गर्ने योजना अघि सारेको हो ।

चीनको प्रख्यात अटो उत्पादनक बीएआईसी प्रिमियम गाडी उत्पादनका लागि लोकप्रिय मानिन्छ भने यसै ब्रान्ड अन्तर्गतको आर्कफक्स मुलतः विद्युतीय गाडीको उत्पादनमा केन्द्रित छ ।

लक्ष्मी मोटर हबले हालसालै बीएआईसीको हाइब्रिड एसयूभी बीजे३०ई र आर्कफक्सको विद्युतीय कार टी१ लन्च गरेको थियो । यी दुबै कार अहिले नेपाली अटो बजारमा चर्चित बनिरहेका छन् ।