रिकन्डिसन अटो व्यवसायीको शुभकामना आदान प्रदान सम्पन्न

काठमाडौं - नेपाल रिकन्डिसन अटो व्यवसायी संघको आयोजनामा हिजो दसै शुभकामना आदान प्रदान तथा सम्मान कार्यक्रम सम्पन्न भयो । उक्त अवसरमा नेपालमा रिकन्डिसन व्यवसाय शुरुवात गर्ने १२ जना अग्रज रिकन्डिसन व्यवसायीहरुलाई सम्मानित गरियो ।

सम्मानित अग्रज अटो व्यवसायी सुरेन्द्रमान जोशीले यसरी धेरै समयपछि संघ पुन जुर्मुराएकोमा खुशी व्यक्त गर्दै आफूले संघलाई सधैं सहयोग गर्ने बताए ।

कार्यक्रमका संचालक माधव रिजालले छिट्टैं नैं सामाजिक उत्तरदायित्व बहन गर्नुका साथैं नाडा र यातायात कार्यालयसँगको सहकार्यमा यातायात कार्यालयमा रिकन्डिसन अटो व्यवसायीहरुलाई निःशुल्क पार्किङ र अन्य आवश्यक पर्ने सामग्री सहयोग गरिने बताए ।

कार्यवाहक अध्यक्ष रमेश कोइरालाले आगामी दिनहरुमा यातायात कार्यालयको समन्वयमा रिकन्डिसन व्यवसायीहरुको समस्या समाधान गर्ने र नयाँ कार्यसमिति समेत चाँडैं बनाउन सबैं व्यवसायीहरु एकजुट भई साथ दिन अनुरोध गरे ।

पुराना, रिकन्डिसन अर्थात सेकेन्ड ह्यान्ड कारको व्यवसाय गर्ने व्यवसायीहरु नेपाल रिकन्डिसन अटो व्यवसायी संघमा आवद्ध छन् ।