चेरीद्वारा सिंगल चार्जमा ९३२ माइल रेन्ज दिने नयाँ सोलिड स्टेट ब्याट्रीको विकास

चिनियाँ अटो निर्माता चेरीले सोलिड स्टेट ब्याट्रीमा नयाँ प्रबिधीको अनावरण गरेको छ । अर्को पुस्ताका ईभीमा प्रयोग हुने अनुमान गरिएको उक्त प्रबिधीले ईभी विकासमा नै गेम चेन्ज गर्न सक्ने आँकलन गरिएको छ ।

कम्पनीले एक पटकको चार्जमा ९३२ माइलभन्दा बढि रेन्ज दिन सक्षम नयाँ ब्याट्रीलाई सार्बजनिक गरेको हो । चेरीको खोजले सोलिड स्टेट ब्याट्री प्रविधिको विकासमा नवीनतालाई अझ बलियो बनाउँदै लगेको छ ।

सन् २०२७ मा बजारमा आउने अपेक्षा गरिएको उक्त नयाँ ब्याट्रीको पाइलट परिक्षण अर्को वर्षबाटै हुने जनाइएको छ । ब्याट्रीको नेल पेनिट्रेसन गर्दा यसको मोड्युल निकै सुरक्षित रहेको कम्पनीको भनाई छ ।

‘लिथियम–समृद्ध म्यांगनीज क्याथोड सामग्रीसँग जोडिएको इन–सीटु पोलिमराइज्ड ठोस इलेक्ट्रोलाइट प्रणाली’ अपनाएर विकास गरिएको मोड्युलले प्रति किलोग्राम ६०० वाट–घण्टाको ऊर्जा घनत्व प्राप्त गर्ने चेरीले जनाएको छ ।