विनोद चौधरीको जन्म दिनको अवसरमा एसेम्बली प्लान्ट घोषणा

काठमाडौं – हिरोको नेपालका लागि आधिकारिक वितरक सीजी मोटर्सको एसेम्बल प्लान्ट नवलपरासीमा सुरुवात गरिएको छ ।

सीजी मोटर्सले चौधरी ग्रुपका अध्यक्ष विनोद चौधरीको जन्म दिनको अवसरमा सीजी फ्युचर फ्याक्ट्रीको सुरुवात गरेको हो । विनोद चौधरीका छोरा तथा सीजी मोटर्सका प्रबन्ध निर्देशक निर्वाण चौधरीले यसको जानकारी सामाजिक सञ्जालमार्फत दिएका छन् ।

नवलपरासीमा रहेको सीजी इन्डष्ट्रियल पार्क क्षेत्रमा एसेम्बली प्लान्ट निर्माण हुने भएको हो । ४ बिघा, १६ कट्ठा, १० धुर जग्गामा हिरोका मोटरसाइकल र स्कुटर एसेम्बल गरिने छ ।

वार्षिक ३० हजार मोटरसाइकल र स्कुटर उत्पादन गरिने र १६५ जनाले यहाँ रोजगारी पाउने छन् ।

केही समय पहिले मात्र हिरोको आधिकारिक बिक्रेता ज्योति समूहबाट चौधरी ग्रुपको सीजी मोटर्सले लिएको थियो ।