सिएटिएलले ल्यायो १५ वर्ष र २८ लाख किलोमिटर सम्म आयु भएको नयाँ ब्याट्री

ईभी ब्याट्री जायन्ट सिएटिएलले कमर्सियल भेइकलका लागि आफ्नो नयाँ ‘टेक्ट्राज’ ब्याट्री लाइनअप सार्बजनिक गरेको छ ।

सो नयाँ ब्याट्री लाइट कमर्सियल भइकल, वस र ट्रकहरुका लागि तयार परिएको होृ । यी ब्याट्री लङ लाईफ र सुपरफास्ट चार्जिङ एडिसनमा उपलब्ध छन् । जसमध्ये ट्रकका लागि निर्माण गरिएको टेक्ट्रान टी ब्याट्रीको आयू १५ वर्ष र २८ लाख किलोमिटर दाबी गरिएको छ । यसको लङ लाईफ एडिसनले ५०० किलोमिटरसम्मको रेन्ज प्रदान गर्ने जनाइएको छ ।

यो ब्याट्रीमा सिएटिएलले गाडीको आयू रहुन्जेलसम्मका लागि ब्याट्री वारेन्टी पनि दिने वाचा गरेको छ । यो ब्याट्री भेरियन्ट स्वापिङका लागि पनि उपलब्ध हुनेछ ।

टेक्ट्रान टी सुपरफास्ट चार्जिङ एडिसनले ब्याट्रीलाई १५ मिनेटमा ७० प्रतिशतसम्म छिटो चार्ज गर्न अनुमति दिन्छ । यो ब्याट्री प्याकको क्षमता २०० किलोवाट आवरदेखि ६०० किलोवाट आवरसम्म र अधिकतम ड्राइभिङ रेन्ज ५०० किलोमिटर छ । फास्ट चार्जिङका लागि अप्टिमाइज गरिएको भए पनि, यो भेरियन्टले ८ वर्ष र १२ लाख किलोमिटरको प्रभावशाली आयु पनि प्रदान गर्दछ ।

बसका लागि तयार परिएको टेक्ट्रान बी र लाइट कमर्सियल भेइकलमा प्रयोग हुने टेक्ट्रान एल पनि उत्तिकै प्रभावशाली रहेको बताइएको छ । हलुका डिजाइनमा तयार परिएको टेक्ट्रान बीको ऊर्जा घनत्व १७५÷केजी छ र यसको आयु १५ वर्ष र १५ लाख किलामिटर दावी गरिएको छ ।

टेक्ट्रान एल भने दुई भेरिएन्टमा उपलब्ध हुने जनाइएको छ । जसमा ३० किलोवाट आवरदेखि २०० किलोवाट आवर सम्मको क्षमता र ड्राइभिङ रेन्ज ५०० किलोमिटरसम्म छ ।