फुटबलर मेसीको कार कलेक्सनमा करोडौ रुपैयाँका महंगा कार

विश्वकप फुटबलको समापनसँगै अर्जेन्टिनी खेलाडी लियोनल मेसीको चर्चा पनि चुलिएको छ । उनी लक्जरी कारका शौखिन हुन् । मेसीको कलेक्सनमा एफ४३० स्पाइडर सबैभन्दा महँगो कार हो । जसको मूल्य करिव ३ करोड रुपैयाँ भन्दा बढी पर्छ । यसको टप स्पिड ३०० किमी प्रतिघन्टा छ ।

द रिचेस्टका अनुसार मेसीसँग मिड इन्जिन स्पोर्ट्स कार पगानी जोन्डा रोडस्टर पनि छ । सो कारको मूल्य करिव २६ करोड रुपैयाँ जति छ । यसको टप स्पिड ३४९ किमी प्रतिघन्टा छ । यो विश्वको सबैभन्दा तीव्र गतिको कार मध्ये एक हो ।

मेसीले मर्सिडिज एसएलएस एएमजी ४ करोड रुपैयाँमा खरिद गरेका थिए । मेसीको कार कलेक्सनमा यो उत्कृष्ट कार हो । यसको टप स्पिड २८० किमी प्रतिघन्टा छ ।

मेसीसँग मासेराटी ग्रान्ड टुरिज्मो एमसी स्ट्राडेल पनि छ, जसको मूल्य करिव ४ करोड रुपैयाँ छ । यसमा ४.७ लिटर भी८ इन्जिन जडान गरिएको छ । सो कार ४.५ सेकेन्डमा ० देखि १०० किमी प्रतिघन्टाको स्पिडमा गुड्छ ।

मेसीको कार कलेक्सनमा रेन्ज रोभर भोग एसयूभी पनि छ । यसको मूल्य अढाई करोड रुपैयाँ छ । ५ सीटर भएको सो एसयूभी ५.४ सेकेन्डमा ० देखि १०० किमी प्रति घन्टा रहेको छ ।