बीएमडब्ल्युको इलेक्ट्रिक बाइक कन्सेप्ट सार्वजनिक, सिंगल चार्जमा ९० किमी रेन्ज प्रदान गर्ने

बीएमडब्ल्युले नयाँ इलेक्ट्रिक बाइकको कन्सेप्ट सार्वजनिक गरेको छ । बाइक हेर्दा सानो भए तापनि बाइकलाई हाईटेक बनाउनका लागि कम्पनीले पुरा कोशिस गरेको छ । बीएमडब्ल्युले उक्त बाइकलाई सीई ओ२ नाम दिएको छ । यसको टप स्पिड ९० किलोमिटर प्रति घन्टा रहेको छ । कम्पनीले सो बाइकको प्रोडक्सन चाँडै सुरु गर्ने भएको छ ।

बीएमडब्ल्युले यहि महिनाको सुरुवातमा सो बाइक घरेलु बजारमा पेश गरेको थियो । बाइकको डिजाइन साधारण तर आधुनिक देखिन्छ । बाइकको फ्रन्टमा ४ सानो राउन्ड एलईडी लाइट जडान गरिएको छ । जसको माथि ह्यान्डल बारको बीचमा सानो सर्कुलर डिजिटल डिस्प्ले सेट समावेश गरिएको छ । बीएमडब्ल्युमा मोबाइल कनेक्टिभिटी फिचर समावेश गरिएको छैन ।

बीएमडब्ल्यु सीई ओ२ इलेक्ट्रिक बाइकमा ११ केडब्ल्यु क्षमताको मोटर जडान गरिएको छ । जसको टप स्पिड ९० किलोमिटर प्रतिघन्टा रहेको छ । साथै सिंगल चार्जमा ९० किलोमिटरको दुरी तय गर्ने क्षमता रहेको छ ।

हालको लागि बाइकको प्रोडक्सनको बारेमा केही जानकारी साझा गरिएको छैन । तर, भविष्यमा सो बाइक लन्च गर्ने सम्भावना रहेको छ । बाइकको डिजाइन इलेक्ट्रिक स्कुटर र बाइकको बीचमा सेट हुनेछ । साथै बाइकले युवावर्गलाई आकर्षण गर्ने कम्पनीले दाबी गरेको छ ।