दशैमा कुन बाइक किन्ने ? टीभीएस, यामाहा वा बजाज ? यस्ता छन् अफर

फेस्टिभल सिजनको सुरुवात भएसँगै अहिले विभिन्न कम्पनीहरुले धमाधम स्किम तथा उपहार योजना सार्वजनिक गरिरहेका छन् । टु ह्विलरमा हालसम्म बजाज, टीभीएस र यामाहाले यस्तो स्किम सार्बजनिक गरिसकेका छन् भने बाँकी कम्पनीले समेत केहि दिनभित्रै यस्तो स्किम सार्बजनिक गर्ने गरी तयारी तीव्र बनाएका छन् ।

टु ह्विलरमा हालसम्म सार्वजनिक गरिएको स्किम योजनालाई अध्ययन गर्ने हो भने टीभीएसले निकै नै आकर्षक र लोभलाग्दो अफर सार्बजनिक गरेको छ । टीभीएसको यो स्किम सम्भबत यो सिजनका लागि सर्बाधिक चर्चाको बिषय बन्न सक्छ ।

टीभीएसले ‘६ प्राइजको सरप्राइज’ नामक अफर सार्वजनिक गरेर फेस्टिवल अफरमा दमदार इन्ट्री मारेको सहजै अनुमान लगाउन सकिन्छ । कम्पनीले मोटरसाइकल नकिन्दैदेखि किनेपछि, दैनिक, हरेक हप्ता, हरेक महिना र बम्पर प्राइज गरेर छ पटक उपहार जित्नसक्ने योजना ल्याएको हो ।

यस अफर अन्तर्गत टीभीएसको बाइक वा स्कुटर किन्दा ६ पटक सम्म विभिन्न पुरस्कार जित्ने मौका पाइने छ । सबैभन्दा पहिले कुनै पनि ग्राहकले यो लिंकमा लगइन गरेर आफूले किन्न चाहेको बाइक वा स्कुटर तथा आफ्नो नाम र मोबाइल नम्बर तथा ठेगानासहित फारम भर्नु पर्नेछ । यसका आधारमा बढीमा १ लाख रुपैयाँ सम्म जित्ने अवसर पाइने छ ।

त्यसैगरी बाइक किन्ने समयमा पनि अर्को स्किम प्राप्त हुनेछ । यो अवस्थामा समेत बढीमा १० लाख रुपैयाँ सम्म जित्न सकिने छ । प्रत्येक दिन रियल मी सी२० स्मार्टफोन उपहारको रुपमा प्रदान गरिने छ ।

यी वाहेक हरेक हप्ता शतप्रतिशत क्यासब्याक, हरेक महिना ७ लाख ८० हजार मूल्य पर्ने अपाचे आरआर ३१० मोटरसाइकल प्रदान गरिने छ भने बम्पर पुरस्कारको रुपमा अन्त्यमा एक जनालाई ३७ लाख ९९ हजार मूल्य पर्ने प्रोटोन सागा कार प्रदान गरिने छ । पहिलो पटक फारम भरेर इन्क्वायरी मात्र गरेका ग्राहकले समेत मोबाइल र अपाचे आरआर ३१० बाइक जित्न सक्ने अवसर पाउने छन् ।

टु ह्विलर सेग्मेन्टमा सबैभन्दा पहिले स्किम सार्बजनिक गरेको बजाजले ‘खुसीको ३ डोज’ नामक अफर ल्याएको छ । यस अन्तर्गत मोटरसाइकल किन्नु भन्दा पहिले नै यो स्किमका लागि रजिस्टर गरेर १० हजार रुपैयाँ सम्म छुट पाउन सकिने छ । यो रकम मोटरसाइकल खरिद गरे पछि भुक्तानी हुनेछ ।

दोस्रो डोज अन्तर्गत मोटरसाइकल किन्दा १ लाख रुपैयाँ सम्म छुट पाइने छ । अनि तेस्रो डोज अन्तर्गत मोटरसाइकल किने पछि प्रत्येक महिना एक जना ग्राहकले गोला प्रथामार्फत १० लाख रुपैयाँको बम्पर पुरस्कार पाउने छन् ।

त्यसैगरी अर्को चर्चित टु ह्विलर ब्रान्ड यामाहाले ‘रेस फर दि एस’ स्लोगन सहित फेस्टिवल अफर सार्बजनिक गरेको छ । सार्वजनिक भएको उक्त स्किम अन्तर्गत बम्परमा एकजना भाग्यशाली विजेताले १२ तोला सुन उपहार पाउनेछन् । फेस्टिभल सिजनमा यामाहा मोटरसाइकल तथा स्कुटर खरिद गर्ने ग्राहकले स्क्र्याचमार्फत न्यूनतम ८ हजारदेखि १ लाख रुपैयाँसम्म स्योर सट छुट पाउनेछन् ।

त्यसैगरी लक्की ड्रमार्फत हरेक हप्ता एकजना भाग्यशाली विजेताले ४ तोला सुनको एक्का तास उपहारस्वरुप पाउने बताइएको छ । बम्परमा भने एकजना भाग्यशाली विजेताले ४ तोला तौल भएको तीनवटा एक्का तास अर्थात १२ तोला सुन उपहार पाउनेछन् ।

यी तीन कम्पनीले सार्वजनिक गरेको स्किम तथा उपहार योजनालाई अध्यान गर्दा यसपाली टीभीएसको स्किमले धेरै उपभोक्तालाई लोभ्याउने देखिन्छ । स्किमलाई नै आधार मानेर मोटरसाइकल तथा स्कुटर खरिद गर्ने हो भने टीभीएस खरिद गर्नु उपभोक्ताका लागि फाइदाजनक हुने देखिन्छ ।

मोटरसाइकल खरिद गर्नुअघि देखि नै उपहार योजनामा सहभागी हुन पाइने र सहभागी भए पश्चात पनि भिन्न ५ चरणमा मोबाइल, सत् प्रतिशतसम्म क्यास ब्याक, मोटरसाइकल र बम्परमा ३८ लाख मूल्य बराबरको गाडी उपहार पाउन सकिने व्यवस्था टीभीएसले मिलाएको छ । जबकी बजाजले बम्परमा १० लाख रुपैयाँ र यामाहाले पनि सोही रकम बराबरको १२ तोला सुन उपहार राखेको छ ।