वाक्सी अटोको रोड शो कार्यक्रम सम्पन्न

वाक्सी ब्रान्डको तीनपाङ्ग्रे अटोले अयोजना गरेको रोड शो कार्यक्रम देशका बिभिन्न स्थानमा पुगेर सम्पन्न भएको छ । एकमहिना अघि संचालन भएको सो कार्यक्रम ५ दिन सम्म चलेको थियो ।

पूर्बको ईटहरी बजारबाट सुरु भएको सो कार्यक्रम ईनरुवा, लाहान, गोलबजार, मिर्चैया, जनकपुर , बर्दिबास, लालबन्दी, चपुर, बरहथवा, निजगढ, गढिमाई, सिमरा, हेटौंडा, चितुवन, गैंडाकोट, नवलपरासी, बर्दघाट, बुटवल, हुँदै पश्चिमको भैरहवा बजारको अन्चलपुरमा पुगेर सम्पन्न भएको हो ।

पश्चिमाञ्चलका लागि आधिकारिक बिक्रेता अटोजोन इन्डस्ट्रिजमा समापन कार्यक्रमको आयोजना गरी रोड शो सम्पन्न गरिएको आधिकारिक बितरक राई ईन्भेस्टमेण्ट एन्ड ट्रेडिङले बताएको छ ।

कम्पनीका अध्यक्ष उमेश राई प्रमुख अतिथी रहेको सो समापन कार्यक्रमममा ब्यावसायी लायन हरि प्रसाद दाहाल सहित विभिन्न क्षेत्रमा आबद्ध व्यवसायी, अटोमोवाईल ब्यावसायी र स्थानिय प्रतिनिधिको शहभागिता रहेको थियो ।