एनएस–२०० को चेसिसमा डोमिनार–४०० को इन्जिन लागेर आउँदै पल्सर एनएस–४००

बजाजको सर्बाधिक लोकप्रिय मोडल पल्सर ठूलो इन्जिनमा आउने भएको छ । पल्सर एनएस–४०० नामले आउने सो नयाँ बाइकलाई कम्पनीले डोमिनार–४०० को इन्जिन र एनएस–२०० को चेसिस सेयर गरी निर्माण गर्न लागेको हो । एनएस–४०० अर्को वर्ष लन्च गर्ने तयारी भइरहेको जानकारी दिँदै कम्पनीले यसबारे केही तथ्यहरु सेयर समेत गरेको छ ।

सो नयाँ बाइकको लुक्स एनएस मोडलबाट प्रेरित हुने जनाइएको छ । बजाजले हालसालै एनसएस २०० मा यूएसडी फोर्क दिएको कारण यो नयाँ मोडलमा पनि यसले निरन्तरता पाउने देखिन्छ । यसमा एलइडी हेडल्याम्प, आधुनिक प्रविधीको कनेक्टिभिटी र अन्य थुप्रै नयाँ फिचर उपलब्ध हुनेछन् ।

बजाजले हाल–४०० सिसी सेग्मेन्टमा डोमिनार र ट्रायम्फ स्पिड र केटिएम–३९० ड्यूक जस्ता मोडलका लागी भिन्नाभिन्नै इन्जिन विकासा गरेको छ । जसअनुसार पल्सर एनएस–४०० मा डोमिनारमा प्रयोग हुने ४० एचपी पावरको ३७३ सिसी इन्जिन जडान हुनेछ ।

सो नयाँ मोटरसाइकल डोमिनार–४०० भन्दा महंगो र बजाजको लाइनअपमा प्रिमियम मोडल हुनेछ ।