बजाजले ल्याउँदै छ पल्सर २५०एफ, देखियो परीक्षणमा

हालै पल्सर २५० बाइकको सेमी फेयर्ड सिबलिङ परीक्षणको समयमा देखिएको तस्बिर सार्वजनिक भएको छ । गत फेब्र्ुअरी महिनामा बजाज पल्सर २५० नेकेड बाइक यसैगरी परीक्षणको समयमा देखिएको थियो ।

हाल बजाजले २२०एफ बाइक बजारमा उपलब्ध गराइरहेको छ । यसका आधारमा आगामी दिनमा आउने २५० सीसी बाइकको नाम पनि २५०एफ हुने अनुमान गरिएको छ ।

बाइकलाई कभर गरिएको तस्बिर सार्वजनिक भए पनि यसका आधारमा यसमा भएका धेरै फिचरको वारेमा अनुमान लगाउन सकिन्छ । यसमा हेडल्याम्प सेक्सन र फ्युल ट्यांकीका साथमा एक क्वाटर फेयरिङ सामेल गरिएको छ । यसमा पल्सर २२०एफ जस्तै फेयरिङ माउन्टेड रियर भ्यु मिरर र क्लिप–अन–ह्यान्डलबार पनि उपलब्ध छ ।

पछिल्लो भाग हेर्दा नेकेड २५० जस्तै लाग्छ । यसैगरी अलोय ह्विल, टायर हगर, डिस्क ब्रेक आदि उस्तै छ ।