रोजाइमा सबैभन्दा कम मूल्यको पल्सर १२५ : शुरुमा १ लाख ३६ हजार बुझाए आफ्नो बनाउन पाइने

नेपाली बजारमा सर्बाधिक बिक्री हुने मोटरसाइकलमा गनिन्छ पल्सर सिरिज । पल्सर सिरिजको सबैभन्दा शुरुको भर्सन हो पल्सर १२५ । नेपाली बजारमा हंसराज हुलासचन्द एन्ड कम्पनीले पल्सर बजाज पल्सर सिरिजका विभिन्न मोटरसाइकल बिक्री गर्दै आएको छ ।

नेपाली बजारमा उपलब्ध डिस्क ब्रेक सहितको पल्सर १२५ को मूल्य २ लाख ४४ हजार ९ सय रुपैयाँ तोकिएको छ । हाल देशभरका बजाज सोरुममा बजाजका मोटरसाइकल विभिन्न स्किममा उपलब्ध छन् । फेस्टिभल अफरको रुपमा समेत विभिन्न अफर प्राप्त गर्न सकिन्छ ।

शुरुमा ५० प्रतिशत रकम बुझाए पछि बाँकी रकम शून्य प्रतिशत ब्याजदरमा बुझाउन सकिने स्किम हाल धेरै प्रचलित छ । पल्सर १२५ लाई पनि यही स्किम अन्तर्गत आफ्नो बनाउन सकिन्छ । यसका लागि शुरुमा डाउन पेमेन्टको रुपमा १ लाख २२ हजार ४५० रुपैयाँ बुझाउनु पर्छ । बाँकी १ लाख २२ हजार ४५० रकम १८ महिना सम्म किस्ताबन्दीको रुपमा बुझाउन सकिन्छ ।

शुरुमा रजिष्ट्रेसन र इन्स्योरेन्स तथा सर्भिस चार्जको रकम समेत बुझाउनु पर्ने हुन्छ । त्यसैगरी पहिलो महिनाको किस्ता समेत शुरुमै बुझाउनु पर्छ । यस अनुसार इन्स्योरेन्स ६ हजार र रजिष्ट्रेसन शुल्क ६५० रुपैयाँ बुझाउनु पर्छ । त्यसैगरी पहिलो एक महिनाको किस्ता ६ हजार ८०३ रुपैयाँ समेत बुझाउनु पर्छ । यी सबै गरी पहिलो महिना १ लाख ३५ हजार ९०३ रुपैयाँ बुझाए पश्चात पल्सर १२५ आफूले चलाउन पाइन्छ ।

यी कागजात आवश्यक
यसरी ५० प्रतिशत रकम तिरेर किस्ता बुझाउनका लागि भने केही कागजात बुझाउनु आवश्यक हुन्छ । कम्पनीका अनुसार बाइक किन्ने ग्राहकले आफ्नो नागरिकता, लाइसेन्स, आयस्रोत, ३ महिना पहिले देखिको बैंक ब्यालेन्स र आफ्नो फोटो बुझाउनु आवश्यक छ । त्यसैगरी साक्षी बस्ने ब्यक्तिको नागरिकता, घरको लालपुर्जाको फोटोकपि, विद्युतको बिल र फोटो समेत बुझाउनु अनिवार्य छ ।

तीन पटक पुरस्कार जित्ने अवसर
बजाज पल्सर १२५ किन्ने निर्णय गरे पश्चात हाल कम्पनीले उपलब्ध गराइरहेको अफर अन्तर्गत धेरै पुरस्कार जित्ने सम्भावना समेत हुन्छ ।

बजाजले हाल ‘बजाज खुसीको ३ डोज’ नामक आफ्नो दशैं अभियान चलाइरहेको छ । ग्राहकहरुले यस अफर अन्तर्गत कुनै पनि बजाज मोटरसाइकल किन्नु भन्दा पहिले, किन्ने बखतमा र किनि सकेपछि नगद पुरस्कार प्राप्त गर्न सक्दछन् ।

ग्राहकहरुले बाइक किन्नु भन्दा पहिले १० हजार सम्मको अग्रिम नगद प्राप्त गर्न सक्छन् । त्यस बाहेक, उपभोक्ताहरुले मोटरसाइकलको खरिदको दौरानमा १ लाख सम्मको नगद मूल्य प्राप्त गर्न सक्छन् र बम्पर अफरमा भने कुनै पनि आधिकारिक डिलरबाट बजाज मोटरसाइकल किनिसके पछि १० लाख सम्मको नगद पुरस्कार प्राप्त गर्न सक्दछन् ।

यस्तो छ पल्सर १२५
आधुनिक स्टाइल र ट्विन स्ट्रिप्ड एलईडी टेललाइट सहितको पल्सर १२५ को ट्यांकमा नियोन हाइलाइट छ । यसमा रहेको १२४.४ सीसीको इन्जिनले ११.८ पीएस पावर र १०.८ एनएम टर्क जेनेरेट गर्छ । यसमा ११.५ लिटरको इन्धन ट्यांकी रहेको छ । यसको ग्राउन्ड क्लियरेन्स १६५ एमएम छ । नेपाली बजारमा उपलब्ध यो सबैभन्दा कम मूल्यको पल्सर हो ।