बजाज प्लाटिना ११०अब नयाँ लुक र इन्जिनमा

बजाज प्लाटिना ११० सेगमेन्टको उत्कृष्ट बाइकमध्ये एक हो । यसममा अब थप फिचर राखिएका छन् । लुक, इन्जिन, माइलेज, परफर्मेन्स र नयाँ टेक्नोलोजीले सुसज्जित सो बाइक निकै लोकप्रिय छ । सो बाइक बजाज प्लाटिना ११० एबीएस र बजाज प्लाटिना ११० ड्रम गरी २ भेरिएन्टमा उपलब्ध छ ।

बजाज प्लाटिना ११० एबीएसमा ११५.४५ सीसी र बजाज प्लाटिना ११० ड्रम बाइकमा ११० सीसी, ४–स्ट्रोक, एयर कुल्ड इन्जिन समावेश छ । बाइकमा डीटीएस– आई टेक्नोलोजी जडान गरिएको छ । यसको अगाडि सिंगल च्यानल एबीएस सहितको २४० एमएम डिस्क र पछाडि ११० एमएम ड्रम ब्रेक सीबीएस टेक्नोलोजीले सुसज्जित छ ।

बजाज प्लाटिना ११० हल्का तौलको बाइक हो, जसको तौल ११७ किलोग्राम मात्र छ । यसमा डीआरएल लाइट जडान गरिएको छ, जसले स्पष्ट दृश्यता दिन्छ र रातमा पनि लामो दूरीको यात्रामा कुनै समस्या हुने छैन । बजाज प्लाटिना ११० डिजिटल स्पिडोमिटरले सुसज्जित छ, जसमा गियर इन्डिकेटर, एबीएस इन्डिकेटर र गियर गाइडेन्स चेक गर्न सकिन्छ ।

बाइकको इन्जिनले ८० किलोमिटर प्रति लिटरको माइलेज प्रदान गर्न सक्छ । बाइकमा ५ स्पिड म्यानुअल गियरबक्स र ११ लिटरको फ्युल ट्यांक क्षमता रहेको छ । बाइकको सिट हाइट ८०७ एमएम छ ।