२ हजार रुपैयाँ सम्मले महंगो भयो बजाज मोटरसाइकल, यस्तो छ नयाँ मूल्य

बजाज मोटरसाइकलको नेपालका लागि आधिकारिक वितरक हंसराज हुलासचन्द एण्ड कम्पनी प्रालिले १३ मोडलका मोटरसाइकलमा मूल्य बृद्धि गरेको छ । बजाजले ८ मोडलमा २ हजार र ५ मोडलमा १ हजार रुपैयाँका दरले मूल्य बढाएको हो । यसअघि मसिंर महिनामा पनि उसले ५ हजार रुपैयाँसम्मले मूल्य बृद्धि गरेको थियो । यो सहित वैशाख यता कम्पनीले ४ पटक मूल्य वढाएको छ ।

१ हजार रुपैयाले मूल्य बृद्धि भएका मोडलमा प्लाटिना, डिस्कभर, पल्सर २०० एनएस एविएस रहेका छन् भने वाँकी मोडलहरु पल्सर १२५, पल्सर १६० एनएस, पल्सर २०० एनएस एफआई एविएस,२०० एनएस एफआई एविएस विएस६, एभेन्जर १६० एविएस र एभेन्जर २२० क्रुजमा २ हजार रुपैयाँका दरले मूल्य बृद्धि गरेको छ । ।

नयाँ मूल्य सूची अनुसार प्लाटिना १०० इएसको मूल्य १ लाख ९५ हजार ९०० पुगेको छ भने डिस्कभर १२५ डिस्कको २ लाख २९ हजार ९००, डिस्कभर १२५ एसटीको २ लाख ३६ हजार ९०० र पल्सर १२५ डिस्कको २ लाख ५१ हजार ९०० कायम गरेको छ ।

यसैगरी, पल्सर १५० एसडीको २ लाख ८८ हजार ९००, पल्सर १५० टिडीको ३ लाख ५ हजार ९००, पल्सर १६० एनएस टिडी एविएसको ३ लाख ३० हजार ९००, पल्सर २०० एनएस नन् एविएसको ३ लाख ३५ हजार ९०० र पल्सर २०० एनएस एविएसको ३ लाख ७५ हजार ९०० कायम गरेको छ ।

पल्सर २०० एनएस एफआई एविएसको ३ लाख ७५ हजार ९००, एनएस एफआई एविएस विएस६ को ४ लाख १० हजार ९००, एभेन्जर १६० स्ट्रिट एविएसको ३ लाख ५३ हजार ९०० र एभेन्जर २२० क्रुजको ४ लाख ५ हजार ९०० पुर्याएको छ ।

कम्पनीले यसअघि वैशाखमा ३ देखी १० हजार रुपैयाँसम्म मूल्य वढाएको थियो भने लगत्तै जेठमा पनि ३ देखी २० हजार रुपैयाँसम्म र मसिंरमा ५ हजार रुपैयाँसम्मले मूल्य बृद्धि गरेको थियो ।