अवतारले ल्यायो नयाँ मिडसाइज सेडान कार, यस्तो छ मूल्य र फिचर

चांगन, क्याटल र हुवावेद्वारा संयुक्त रूपमा विकास गरिएको प्रिमियम ईभी ब्रान्ड अवतारले आफ्नो चौथो मोडल अवतार ०६ लन्च गरेको छ । मिडसाइज सेडान सेग्मेन्टमा आएको सो कारको सुरुवाती मूल्य २६ हजार ३०० डलर लन्च गरिएको छ ।

सिंगल र डुअल मोटर भेरिएन्टमा उपलब्क्ध अवतार ०६ मा ७२.८८ किलोवाट आवर क्षमताको लिथियम–आइरन–फस्फेट ब्याट्री प्रयोग गरिएको छ । सिंगल–मोटर रियर–ह्वील ड्राइभ भेरियन्टले ६५० किलोमिटर र डुअल–मोटर अल–ह्वील–ड्राइभ भेरिएनटले ६०० हाराहारी रेन्ज दिने दाबी गरिएको छ । यी दुबै भेरिएन्ट ८०० भोल्ट अल्ट्रा–फास्ट चार्जिङ आर्किटेक्चरमा तयार पारिएको हो ।

‘मोबाइल वेलनेस सेन्चुअरी’ कन्सेप्टमा तयार पारिएको अवतार ०६ मा ७ वर्ग मिटर प्रिमियम सफ्ट–टच सामग्रीद्धार सजाइएको क्याबिन राखिएको छ । कारको फ्रन्ट सिटमा १६–पोइन्ट मसाज कार्यक्षमताको साथ शून्य–गुरुत्वाकर्षण प्रविधि दिइएको छ ।

सो नयाँ कारमा, अत्याधुनिक २५–स्पिकर मेरिडियन अडियो सिस्टम, हार्मोनी ओएस इन्फोटेनमेन्ट सिस्टम, क्याबिनमा अवरोध पत्ता लगाउने स्मार्ट डोर र स्ट्रिमिङ डिजिटल रियरभ्यू मिरर लागयत फिचर उपलब्ध गराइएको छ ।१९२–लाइन लिडार र २७ परसेप्सन डिभाइस समाबेश गरिएको यस कारमा हुवावेको एडीएस ३.० अटोनोमस ड्राइभिङ सिस्टम दिइएको छ ।

अवतार नेपाली बजारमा समेत उपलब्ध प्रिमियम ईभी ब्रान्ड हो । नेपालमा हाल यसको अवतार ११ मोडल उपलब्ध छ । सिजी मोटर्स आधिकारिक वितरक रहेको यस ब्रान्डले भोलिका दिनमा अवतार ०६ लाई पनि नेपाली बजारमा उपलब्ध गराउने अनुमान गर्न सकिन्छ ।