टोयोटाको नयाँ हाइलक्सले पायो ५ स्टार रेटिङ

अष्ट्रेलियन एनक्याप(एएनक्याप) द्वारा सञ्चालन गरिएको क्र्यास टेष्टमा टोयोटा हाइलक्सले ५ स्टार रेटिङ पाएको छ । नयाँ जेनेरेशन हाइलक्सले वयस्क यात्रु सुरक्षाको लागि ३३.९६/४० अंक र बाल यात्रु सुरक्षाको लागि ४४/४९ अंक प्राप्त गर्दै उक्त रेटिङ हाँसिल गरेको हो ।

फ्रन्टल अफसेट परीक्षणमा हाइलक्सले चालकको छाती र तल्लो खुट्टालाई पर्याप्त सुरक्षा प्रदान गरेको जनाइएको छ । साइड इम्प्याक्ट परीक्षणमा, चालकको सबै महत्वपूर्ण शरीर क्षेत्रहरूको लागि सुरक्षा राम्रो दिएको थियोृ ।

त्यसैगरी, अगाडिको सिटमा बस्ने दुबै यात्रुको टाउकोको लागि राम्रो सुरक्षा प्रदान गरेको थियो । टाढाको साइड इम्प्याक्ट परीक्षणमा सवारी साधनदेखि सवारी साधन र सवारी साधनदेखि पोल परिदृश्यहरूमा पर्याप्त सुरक्षा देखाएको थियो ।

हाइलक्समा जडान गरिएको अटोनोमस इमर्जेन्सि ब्रेकिङ सिस्टमका कारण पैदल यात्री, साइकल चालक र मोटरसाइकल चालक जस्ता कमजोर सडक प्रयोगकर्ताहरूलाई पत्ता लगाउन र प्रतिक्रिया दिन सहज बनाएको थियो ।