अपाचे १६५ र १६० मा छ यस्तो भिन्नता, आरपी १६५, २ सय युनिटमात्र उत्पादन हुने

टिभिएस मोटर्सले हालसालै भारतमा लन्च गरेको अपाचे आरपी १६५ अहिले चर्चामा रहेको छ । जम्मा २ सय युनिटमात्र उत्पाद गर्ने भनिएको यो मोटरसाइकल लिमिटेड एडिसनका कारण पनि चर्चामा रहेको हो । यो मोटरसाइकलको मूल्य भारतीय बजारमा १ लाख ४५ हजार रुपैयाँ कायम गरिएको छ । जुन आरटिआर १६० को तुलनामा २५ हजार भारुले बढी हो ।

आरटिआर १६० ४भी कै इन्जिन बेशमा उत्पादन गरिएको यो मोटरसाइकलमा जडान गरिएको इन्जिन आरटिआरको तुलनामा ५ सिसीले बढी छ । जसको अधिकतम पावर १९.२ पिएस रहेको छ । जुन आरटिआर १६० को तुलनामा १.६५ पिएस बढी हो । त्यसैगरी टर्क भने आरटिआर १६० को भन्दा ०.५३ एनएम कम रहेको छ ।

आरपी १६५ मा कम्पनीले सोवा रेस ट्यून्ड टेलिस्कोपिक सस्पेन्सन दिएको छ । जबकी आरटिआर १६० मा भने सामन्य प्रकारको सस्पेन्सन दिइएको छ । यी दुबै बाइकको अगाडी चक्कामा २७० एमएम पेटल डिस्क जडान गरिएको छ भने अरापी १६५ को पछाडी चक्कामा २४० एमएमको ठूलो पेटल डिस्क दिइएको छ । जुन आरटिआर १६० मा उपलब्ध छैन । यो बाइकको वजन आरटिआर १६० भन्दा २ किलो रहेको छ ।

सेतो, निलो र रातो कलरलाई निकै नै आकर्षक तवरबाट समायोजन गरिएको आरपी १६५ को डिजाइन आरटिआर १६० को तुलनामा स्पोर्टि र मनमोहक देखिन्छ । रेसिङ डिएनएलाई मध्येनजगर गर्दै यो बाइकमा स्लिपर क्लच र एडजस्ट गर्न मिल्ने लिभर लगायत अन्य थप फिचर्स समेत दिइएको छ । यो बाइकको पावर टु वेट रेसियो समेत आरटिआर १६० भन्दा केही बढी छ ।