एमजीका विभिन्न मोडलको इन्जिनियरिङ आधार वुलिङ, विभिन्न ब्रान्डमा प्रयोग हुँदै

विश्व अटोमोबाइल उद्योगमा एउटै प्लेटफर्म, इन्जिनियरिङ प्रविधि र उत्पादन क्षमतालाई विभिन्न बजार तथा ब्रान्डका सवारीसाधनमा प्रयोग गर्ने अर्थात सेयर गर्ने अभ्यास बढ्दै गएको छ। यही क्रममा प्रमुख चिनियाँ अटोमोबाइल कम्पनीमध्ये एक वुलिङले फराकिलो एसएआईसी मोटर इकोसिस्टममा आफ्नो इन्जिनियरिङ तथा उत्पादन क्षमतामार्फत विभिन्न ब्रान्डका सवारीसाधन विकासमा समेत योगदान पु¥याउँदै आएको छ।

एसएआईसी मोटरको व्यापक व्यावसायिक संरचनाअन्तर्गत रहेको वुलिङसँग ठूलो स्तरको उत्पादन क्षमता, अत्याधुनिक इन्जिनियरिङ तथा उत्पादन पूर्वाधार, चीनमा बलियो बजार माग र पछिल्लो समय विस्तार भइरहेको अन्तर्राष्ट्रिय बजार उपस्थिति छ। विशेषगरी विद्युतीय सवारीसाधनलगायत नयाँ तथा उदीयमान अटोमोबाइल सेग्मेन्टमा वुलिङले सुरुवाती चरणमै प्रवेश गर्दै व्यावहारिक र नयाँ अवधारणाका सवारीसाधन विकास गर्दै आएको छ।

बजारको माग र ग्राहकको आवश्यकता परिवर्तन हुँदै जाँदा वुलिङले विकास गरेका प्लेटफर्म र प्रविधिलाई अन्य ब्रान्ड तथा विभिन्न बजारका लागि अनुकूल बनाउन सकिने देखिएको छ। यसको उदाहरण वुलिङ इन्डोनेसिया र एमजी इन्डियाबीचको सम्बन्धमा समेत देखिन्छ, जहाँ वुलिङले विकास गरेको सवारीसाधन प्लेटफर्म र टेक्नोलोजीलाई एमजी ब्रान्डअन्तर्गतका मोडलमा समेत प्रयोग गरिएको छ।

यसको एउटा उदाहरण एमजी कोमेट ईभी हो। यसको आधारभूत सवारी संरचना वुलिङ एयर ईभीसँग मिल्दोजुल्दो छ। यसमार्फत वुलिङले विकास गरेको कम्प्याक्ट ईभी इन्जिनियरिङलाई एमजी ब्रान्डमा समेत प्रयोग गरिएको छ।

यो सम्बन्ध पछिल्लो एमजी हेक्टर टोमाहकमा अझ स्पष्ट रूपमा देखिएको छ। अगस्ट २०२६ मा भारतमा सार्वजनिक गरिएको यो मोडल वुलिङ एक्सियनसँग नजिकको सम्बन्ध रहेको मोडलका रूपमा आएको हो। वुलिङ एक्सियनलाई इन्डोनेसियामा सन् २०२६ को अप्रिलमा औपचारिक रूपमा सार्वजनिक गरिएको थियो। त्यसअघि यसलाई फेब्रुअरीमा आयोजना भएको इन्डोनेसिया इन्टरनेसनल अटो शोमा पहिलोपटक प्रस्तुत गरिएको थियो।

एमजी हेक्टर टोमाहकमा वुलिङले विकास गरेको भेइकल प्लेटफर्म प्रयोग गरिएको भए पनि यसको डिजाइन, टेक्नोलोजी तथा पोजिसन भने एमजीको ब्रान्डअनुसार विकास गरिएको छ। यसले एउटै इन्जिनियरिङ आधारलाई फरक ब्रान्ड र बजारको आवश्यकताअनुसार कसरी प्रयोग गर्न सकिन्छ भन्ने देखाउँछ।

त्यस्तै, एमजी विन्डसर ईभीको फन्डामेन्टल आर्किटेक्चर पनि वुलिङ क्लाउड ईभीसँग सम्बन्धित छ। कुनै कुनै बजारमा यही मोडल बाओजुन युन्डुओ नामबाट समेत चिनिन्छ। यी उदाहरणले एसएआईसी मोटरअन्तर्गतका विभिन्न ब्रान्डबीच प्लेटफर्म, प्रविधि र इन्जिनियरिङ क्षमताको आदानप्रदान हुने गरेको देखाउँछन्।

वुलिङको योगदान केवल एउटै सवारीसाधनको प्लेटफर्म विकासमा मात्र सीमित छैन। कम्पनीले ऊर्जा दक्षता, व्यावहारिकता, विद्युतीकरण र दैनिक उपयोगितालाई केन्द्रमा राखेर विभिन्न प्रकारका सवारीसाधन विकास गर्दै आएको छ।

एयर ईभीदेखि कोमेट ईभी, एक्सियनदेखि हेक्टर टोमाहकसम्मका उदाहरणले वुलिङले विकास गरेको इन्जिनियरिङ क्षमता विभिन्न ब्रान्ड र बजारमा प्रयोग भइरहेको देखाउँछ। विविध तथा विस्तार हुँदै गएको उत्पादन दायरा, घरेलु बजारमा उच्च माग र अन्तर्राष्ट्रिय बजारमा बढ्दो उपस्थितिका कारण वुलिङले विभिन्न प्रकारका सवारीसाधन, बजार र ग्राहकको आवश्यकताअनुसार नयाँ अटोमोबाइल प्रविधि विकास तथा ठूलो स्तरमा उत्पादन गर्न सक्ने क्षमता प्रदर्शन गर्दै आएको छ।