१६० किलोमिटर रेन्ज दिने एथरको नयाँ स्कुटर लन्च, मूल्य पनि सस्तो

एथर इनर्जीले आफ्नो नयाँ पारिवारिक इलेक्ट्रिक स्कुटर ‘कोनार्क’ लन्च गरेको छ । तीनवटा भेरियन्टमा उपलब्ध यस नयाँ स्कुटरको सुरुवाती मूल्य १ लाख भारु निर्धारण गरिएको छ, जुन एथरको हालसम्म उपलब्ध स्कुटरमध्ये सबैभन्दा सस्तो हो ।

स्कुटरमा स्टिल युनिबडी चेसिस, स्मार्ट फ्रन्ट एप्रन, ३१ लिटरको अण्डर–सिट स्टोरेज र एलइडी लाइटिङ प्रयोग गरिएको छ । यसको सुरुवाती भेरियन्टमा २.१ किलोवाट आवरको ब्याट्री छ भने शीर्ष एस १६१ भेरियन्टमा ३.५ किलोवाट आवरको ब्याट्री जडान गरिएको छ ।

४.७ किलोवाट क्षमताको मोटर राखिएको यस स्कुटरलाई ७० किमी प्रतिघण्टाको उच्च गतिमा हाँक्न सकिन्छ भने एक पटकको फुल चार्जमा १६० किमीसम्मको रेन्ज प्राप्त गर्न सकिने् दाबी गरिएको छ ।

स्कुटरमा युएसबी टाइप–सी पोर्ट, अटोहोल्ड, फलसेफ, ब्लुटुथ कनेक्टिभिटी, फाइन्ड माइ स्कुटर र ओटीए अपडेट जस्ता आधुनिक फिचर समावेश गरिएका छन् ।