टीभीएसको विशेष एक्सचेन्ज मेला भोलिदेखी भृकुटीमण्डपमा, के–के छन् आकर्षण

टीभीएस मोटरसाइकल तथा स्कुटरको नेपालका लागि आधिकारिक वितरक जगदम्बा मोटर्सले काठमाडौंमा विशेष एक्सचेन्ज मेला आयोजना गर्ने भएको छ ।

जेठ १३ गतेदेखि १९ गतेसम्म भृकुटीमण्डपमा सञ्चालन हुने उक्त मेलामा ग्राहकले आफ्नो पुरानो मोटरसाइकल तथा स्कुटरसंग नयाँ टिभिएस बाइक एक्सचेन्ज गर्न सक्नेछन् ।

कम्पनीका अनुसार, मेलामा आएर मोटरसाइकल तथा स्कुटर खरिद गर्न ग्राहकले आकर्षक नगद छुट, सहज किस्ताबन्दी सुविधा तथा न्यून दैनिक किस्ताको सुबिधा पाउनेछन् । नागरिकताको आधारमै छिटो कर्जा सुविधा उपलब्ध गराइने कम्पनीले जनाएको छ ।

मेलामार्फत ग्राहकले दैनिक १३९ रुपैयाँदेखि सुरु हुने किस्ताबन्दी योजनामार्फत नयाँ टिभिएस मोटरसाइकल तथा स्कुटर घर लैजान सक्नेछन् ।

मेलामा दर्शकलाई आकर्षित गर्न कम्पनीले विभिन्न कौशल प्रदर्शन, परीक्षण सवारी अनुभव, विभिन्न खेल तथा खानाका परिकारसहित मनोरञ्जनात्मक कार्यक्रमको समेत व्यवस्था मिलाएको छ ।