अब जनकपुरमा पनि एथर एक्सपेरियन्स सेन्टर

जनकपुर - नेपालको अग्रणी प्रिमियम इलेक्ट्रिक स्कुटर ब्रान्डएथर इनर्जी नेपालले जनकपुरमा आफ्नो नयाँ एथर एक्सपेरियन्स सेन्टरको भव्य उद्घाटन गरेको घोषणा गरेको छ।

यससँगै कम्पनीले देशभर आफ्नो उपस्थितिलाई अझ सशक्त बनाउँदै नेपालमा विद्युतीय सवारीको विस्तारलाई तीव्र गति दिने प्रतिबद्धता पुन: व्यक्त गरेको छ।

जनकपुरको मिल्स एरियामा अवस्थित नयाँ एक्सपेरियन्स सेन्टर सोमबार नितिन ट्रेड लिंकको व्यवस्थापनमा औपचारिक रूपमा सञ्चालनमा आएको हो। यो उद्घाटन एथर नेपालको नेपालभर उच्च–प्रदर्शनयुक्त तथा दिगो मोबिलिटी समाधानलाई ग्राहकसम्म अझ नजिक पुर्‍याउने यात्राको अर्को महत्वपूर्ण उपलब्धि हो।

जनकपुरमा नयाँ एक्सपेरियन्स सेन्टर सञ्चालनसँगै एथर नेपालका अब देशभर १० वटा एक्सपेरियन्स सेन्टर पुगेका छन्। जसमा काठमाडौं उपत्यकाभित्र ५ वटा तथा पोखरा, चितवन, इटहरी, र बुटवलमा रहेका शाखाहरू समावेश छन्। साथै ग्राहकलाई सहज तथा भरपर्दो बिक्रीपछिको सेवा प्रदान गर्न कम्पनीले देशभर ९ वटा अधिकृत सेवा केन्द्रपनि सञ्चालन गरिरहेको छ। एथरले नेपालकै दुई–पाङ्ग्रे ईभीक्षेत्रमा सबैभन्दा लामो ८ वर्षसम्मको विस्तारित ब्याट्री वारेन्टी पनि उपलब्ध गराउँदै आएको छ।

जनकपुर अनुभव केन्द्रमा सम्पूर्ण उत्पादन श्रृंखला प्रदर्शन गरिनेछ, जसमा प्रदर्शन–उन्मुख एथर ४५० सिरिज तथा आधुनिक परिवारमुखी एथर रिज्टा समावेश छन्।

एथर ४५० सिरिज विशेषगरी उत्कृष्ट प्रदर्शन, स्मार्ट प्रविधितथागतिशील सवारी अनुभव खोज्ने ग्राहकलाई लक्षित गरी डिजाइन गरिएको हो। शक्तिशाली गतिवृद्धि, गुगल नक्साआधारित नेभिगेसन, अटोहोल्ड, फल सेफ, रिभर्स मोड, विभिन्न सवारी मोडहरू तथा उत्तरदायी टचस्क्रिन ड्यासबोर्ड जस्ता अत्याधुनिक सुविधाले एथर ४५०लाई नेपालकै सबैभन्दा उन्नत इलेक्ट्रिक स्कुटरमध्ये एक बनाएको छ।

त्यसैगरी, एथर रिज्टा आधुनिक परिवार तथा दैनिक प्रयोगलाई ध्यानमा राखेर डिजाइन गरिएको स्कुटर हो। फराकिलो सिट, ठूलो भण्डारण क्षमता, सुरक्षा–केन्द्रित इन्जिनियरिङ, कर्षण नियन्त्रण, टो तथा चोरी अलर्ट, ड्यासबोर्डमा व्हाट्सएप सूचना तथा आरामदायी संरचनाजस्ता सुविधाले रिज्टालाई प्रविधि, सुविधा र विश्वसनीयताको उत्कृष्ट संयोजन बनाएको छ।