२०२६ टीभीएस रेडर १२५ अपडेटसहित पेश, हाई-टेक डिस्प्ले र ७ भेरिएन्टमा उपलब्ध हुने

टीभीएसले आफ्नो लोकप्रिय १२५ सीसी मोटरसाइकल रेडर १२५ को अपडेट भर्सन प्रस्तुत गरेको छ। कम्पनीले सो मोडलमा धेरै महत्वपूर्ण सुधारहरू गरेको जनाएको छ ।

नयाँ २०२६ टीभीएस रेडर १२५ अब कुल ७ भेरिएन्टमा उपलब्ध हुनेछ । नयाँ एसएक्ससी ड्युअल डिस्क भेरिएन्ट र टीएफटी ड्युअल डिस्क भेरिएन्टको अगाडि र पछाडि डिस्क ब्रेक समावेश गरिएकाले छ।

मोटरसाइकलको अगाडिको भाग हरियो रङमा सजाइएको छ भने पछाडिको भाग गाढा थिममा राखिएको छ । अगाडिको अलोय ह्विल हरियो र पछाडिको भाग कालो भएकाले डिजाइन अझ आकर्षक देखिन्छ । टप भेरिएन्टमा दिइएको नयाँ टीएफटी इन्स्ट्रयुमेन्ट क्लस्टर ओरेन्ज र ब्ल्याक थिममा उपलब्ध छ । यसमा नेभिगेसन, कल अलर्ट, राइड एनालिटिक्स, वेदर अपडेट तथा लाइभ क्रिकेट र फुटबल स्कोर ट्र्याकिङ जस्ता सुविधाहरू प्रदान गर्छ ।

यसमा कुनै मेकानिकल परिवर्तन गरिएको छैन । मोटरसाइकलमा १२४.८ सीसी एयर तथा आयल कुल्ड इन्जिन प्रयोग गरिएको छ, जसले ११.३८ पीएस पावर र ११.२ एनएम टर्क उत्पादन गर्छ । सो बाइकले ० देखि ६० किलोमिटर प्रतिघण्टा गति मात्र ५.८ सेकेन्डमा लिन्छ छ । साथै, ट्राफिक ग्लाइड र फलो-मी-होम हेडलाइट जस्ता स्मार्ट सुविधा पनि यसमा समावेश गरिएको छ ।

१२५ सीसी सेग्मेन्टमा टीभीएस रेडर १२५ ले हिरो, होन्डा र बजाज जस्ता कम्पनीसँग प्रतिस्पर्धा गर्नेछ ।