हिरो मोटरसाइकल र स्कुटरमा अव कारमा जस्तै सेफ्टि फिचर उपलब्ध हुने

हिरो मोटोकर्पले आफ्ना मोटरसाइकल र स्कुटरका लागि उन्नत राइडर सहायता प्रणाली (एआरएएस) विकास गर्न भ्यालेओसँग साझेदारी गरेको छ । उक्त साझेदारीसंगै हिरो र भिडाका मोडलमा आधुनिक कारमा जस्तै अत्याधुनिक सुरक्षा प्रविधि प्रयोग हुने निश्चित भएको हो ।

हिरो मोटोकर्पले प्रयोगमा ल्याउन सो राइडर एसिस्टेन्स सिस्टमले राडार र स्मार्ट क्यामेरा प्रविधिहरू प्रयोग गरेर सुरक्षा बढाउने जनाइएको छ । यसको उद्देश्य दैनिक सवारीलाई सुरक्षित र सुविधाजनक बनाउनु हो ।

सो सिस्टमले शहरी ट्राफिक, मिश्रित सडक प्रयोग र कमजोर सडक प्रयोगकर्ताहरूको वास्तविकतालाई रियल टाइम सेन्सिङ र इन्टेलिजेन्ट अलर्टमार्फत सम्बोधन गर्दछ ।

राडारमा आधारित भ्यालेओको उक्त एआरएएस प्रणालमा फर्वार्ड कोलिजन वार्निङ, डिस्टेन्स वार्निङ, लेन चेन्ज असिस्ट, ब्लाइन्ड स्पट डिटेक्शन र रियर कोलिजन वार्निङ जस्ता सुविधाहरू समावेश गरिएका छन् ।

उच्च–रिजोल्युसन क्यामेराहरूमा आधारित भिजन सिस्टमले पैदल यात्री पत्ता लगाउने, लेन पत्ता लगाउने, ट्राफिक संकेत पहिचान गर्ने र लेन प्रस्थान चेतावनी सक्षम बनाउँने जनाइएको छ ।