जीडब्लूएमले ल्यायो ट्याङ्क ३०० को विशेष संस्करण, ३०० युनिटमात्रै उत्पादन हुने

ग्रेट वाल मोटर्स (जीडब्लूएम) ले ट्याङ्क ३०० विशेष संस्करण लन्च गरेको छ । ३०० युनिटमात्रै उत्पादन हुने ट्याङ्क ३०० पोलर संस्करणको मूल्य ३२ हजार ४०० डलरदेखि ३५ हजार अमेरिकी डलरसम्म निर्धारण गरिएको छ ।

चरम वातावरणमा काम गर्ने प्रोफेसनल र अफरोड उत्साहीहरूका लागि डिजाइन गरिएको ट्याङ्क ३०० पोलर संस्करणको लम्बाइ ४,७६० एमएम, चौडाइ १,९३० एमएम र उचाइ १,९०३ एमएम छ, जसको ह्विलबेस २,७५० एमएम छ ।

कम्प्याक्ट हार्ड–कोर अफरोड एसयूभीका रूपमा आएको यस एसयूभीलाई कम्पनीले नन–लोड–बेयरिङ (बडी–अन–फ्रेम) चेसिसमा निर्माण गरेको हो । एसयूभीमा ३३ डिग्री अप्रोच कोण र ३४ डिग्री प्रस्थान कोण रहेको छ ।

सो एसयूभीको इन्टेरियरमा १४.६ इन्चको फ्लोटिङ सेन्ट्रल कन्ट्रोल स्क्रिन र १२.३ इन्चको एम्बेडेड फुल एलसीडी इन्स्ट्रयुमेन्ट क्लस्टर रहेको छ । डुअल स्पोक मल्टि फंक्शन स्टेयरिङ ह्विल र इलेक्ट्रोनिक कोलम शिफ्टरले आधुनिक ककपिटलाई पूर्ण बनाएको छ ।

कफी ओएस प्रणालीद्वारा संचालन हुने यसको क्याविनमा क्वालकम स्न्यापड्रागन ८१५५ चिप राखिएकाे छ, जसले फोरजी नेटवर्क कनेक्टिभिटी, फोर जोन भ्वाइस रिकग्निसन, इन–कार केटीभी र मोबाइल एप रिमोट कन्ट्रोल कार्यक्षमताहरू प्रदान गर्दछ ।