६,८०० जाँच, १०,००० डाटा प्वाइन्ट : संसारकै सबैभन्दा सुरक्षित ईभी ब्याट्री गोल्डेन शिल्डको कथा

चांगानको हेडक्वार्टर रहेको चोङकिङस्थित ल्याबमा एउटा ब्याट्रीमाथि यति चरम परीक्षण हुन्छ कि कुनै ईभी धनीले सोच्न पनि सक्दैनन् । इन्जिनियरहरुले यसलाई स्टिलको किल्लाले घोच्छन्, पानीमा चोपल्छन् अति लामो समयसम्म आगोमा पोल्छन् । ब्याट्रीबाट धुँवा उड्छ, हिस्स आवाज आउँछ तर आगो कहिल्यै लाग्दैन, विस्फोट पनि हुँदैन । यति गर्दा पनि त्यो ब्याट्रीले काम गर्छ । यो संसारकै सबैभन्दा ठूलो ब्याट्री निर्माता कम्पनीले बनाएको गोल्डेन शिल्ड ब्याट्री हो र यो ईभीको संसारमा सुरक्षाको नयाँ परिभाषाका रुपमा तीव्र गतिमा फैलिरहेको छ ।

त्रासलाई अन्त्य गर्न जन्मिएको ब्याट्री
दुई वर्षअघि ग्वान्जाओ अटो सोमा सार्वजनिक भएको गोल्डेन शिल्ड विश्व ईभी एडोप्सनको तीन मुख्य भयः ब्याट्रीमा लाग्ने आगलागी, ब्याट्रीको आयु र ढिलो चार्जिङविरुद्ध चांगान अटोमोबाइलको जवाफ हो । संसारको सबैभन्दा शक्तिशाली ब्याट्री निर्माता सीएटीएलसँग साझेदारी गरेर बनाइएको यो ब्याट्रीले यी तीनवटै त्रासको अन्त्य गर्छ । यो एउटा ब्याट्री मात्र होइन ईभी उद्योगभित्रको सुरक्षा आन्दोलन हो ।

गोल्डेन शिल्ड ब्याट्री पछाडिको कथा अटोमोटिभभन्दा पनि अन्तरक्षित प्रविधिसँग बढी मेल खान्छ । यिबिनस्थित चांगान पावर ब्याट्री प्लान्टबाट हरेक सेकेन्डमा एउटा ब्याट्री सेल उत्पादन हुन्छ । मानिसले होइन रोबोटले ९५ प्रतिशतभन्दा बढी उत्पादनमा मद्दत गर्छ जसमा माइक्रोचिप कारखानाको सुनिश्चितता सहित हजारौं माइक्रोस्कोपिक भेरियबलको परीक्षण गरिन्छ । गोल्डेन शिल्डले मार्केटिङबाट होइन उत्पादन गुणस्तरमार्फत प्रतिष्ठा कमाइरहेको छ ।

यो ब्याट्री प्रविधिको वास्तविक शक्ति यसको गुणस्तर नियमन प्रणालीमा देखिन्छ । एउटा एउटा सेलले ६,८०० फरक फरक परीक्षण पूरा गर्छ भने यसको जीवनभर १०,००० भन्दा बढी डाटा प्वाइन्टमाथि निगरानी राखिन्छ । प्रत्येक ब्याट्रीको उत्पादनबाट संचालनसम्मको पूरा जीवनमा क्युआर कोड ‘पासपोर्ट’मार्फत ट्रयाक हुन्छ । जसका कारण यो ब्याट्रीको डिफेक्ट रेट पार्ट्स पर बिलियन (डीपीपीबी) स्तरमा झर्छ र यसको अर्थ त्रुटिको सम्भावना करिब शून्य हुन्छ ।

विध्वंस परीक्षणले जितेको विश्वसनीयता
गोल्डेन शिल्डले सिद्धान्तमार्फत विश्वास जितेको होइन । बारम्बारको परीक्षण र असफलतापछि यो हासिल भएको हो । चांगानको सुरक्षा इन्जिनियरहरुले ब्याट्रीमा प्रयोग हुने वस्तुको क्षमता बुझ्न हरेक वर्ष एक सयभन्दा बढी पटक पूर्ण रुपमा विध्वंस परीक्षण गर्ने गर्छन् ।

यो ब्याट्रीमा ५ एमएमको स्टिल नेल पेनेट्रेट गरियो तर थर्मल रनअवे शून्य । एक घन्टासम्म पानीमा डुबाइयो । एक सय ४० सेकेन्डसम्म सीधा आगोमा राखियो । र यो सबमा गोल्डेन शिल्ड पास भयो ।

सुरक्षाका अलावा यो ब्याट्रीको अर्को महत्वपूर्ण पक्ष भनेको यसको आयु हो । सामान्य ब्याट्रीहरुको आयु ३००० चार्जिङ साइकलसम्म हुन्छ । यसको भने ५००० चार्जिङ साइकल छ जुन नेपालमै सबैभन्दा बढी हो । यसअर्थ यो ब्याट्रीको आयु १० वर्षभन्दा बढी हुन आउँछ ।

विश्वासले बनेको ब्याट्री
आफ्ना ईभीमा गोल्डेन शिल्ड ब्याट्री राख्ने दिपल पहिलो ब्रान्डमध्ये पर्छ जुन उसको फिचर मात्र होइन जग पनि हो । सीएटीएल र चांगानको साझेदारीमा बनेको यो ब्याट्री नो फायर, नो एक्सप्लोजनका कारण चर्चित छ । यो ब्याट्री प्रविधि ईभीलाई पावर दिनका लागि मात्र होइन त्यसको रक्षाका लागि पनि सक्षम छ । र, तीव्र गतिमा विस्तार भइरहेको ईभी बजारमा यो सबैभन्दा मूल्यवान् वाचा हो ।