सेफ ड्राइभ इन्डिया र दादा ड्राइभिङ नेपाल बिच सडक सुरक्षा सम्बन्धी कार्यक्रम संचालन गर्ने सम्झौता

काठमाडौं - भारत लगायत दक्षिण एशियामा सडक सुरक्षा एवम् जनचेतना फैलाउदै आएको संस्था सेफ ड्राइभ इन्डिया र नेपालमा विगत केही वर्षदेखि सडक सुरक्षा तथा चेतनामुलक कार्यमा जोडिदै आएको कम्पनीदादा ड्राइभिङ एण्ड सेफ्टी स्कुल बिच नेपालमा यसै विषयको कार्यक्रम संचालन गर्ने सम्झौता भएको छ । सेफ ड्राइभ इन्डियाका संस्थापक धिरेन्द्र सायामिन र दादा ड्राइभिङ एण्ड सेफ्टी स्कुलका निर्देशक मिना दहाल न्यौपानेले सम्झौतामा हस्ताक्षर गरेका छन् ।

विश्वमा दैनिक सरदर ३ हजार ५ सय जनाले सडक दुर्घटनामा ज्यान गुमाउने गरेका छन् । नेपालमा पनि यो तथ्यांक कहाली लाग्दो छ । नेपाल प्रहरीका अनुसार आर्थिक वर्ष २०८१/८२ मा मात्रै २ हजार २६७ जनाले सडक दुर्घटनामा ज्यान गुमाएका छन् । ट्राफिक नियमको ज्ञानमा कमी हुनु र ज्ञान भएकाले पनि यसको इमानदारितापूर्वक पालना नगर्नाले ठुला दुर्घटना हुने गरेको सायामिन बताउँछन ।

प्रत्येक विषयमा सरकारको ध्यान जान र सरकारले मात्रै गर्नु पर्छ भत्रे सम्भव नरहेकाले संस्थाले यस क्षेत्रमा थोरै मात्र भएपनि कार्य गर्ने र आउँदा दिनहरुमा विभित्र सरोकारवालाहरुसँग मिलेर नेपालमा सडक सुरक्षा तथा जनचेतनाको कार्यक्रम संचालन गर्ने बताउँछिन दादा ड्राइभिङ एण्ड सेफ्टी स्कुलकी निर्देशक मिना दहाल न्यौपाने ।

दुर्घटना न्यूनीकरण गर्न र एक जनाको मात्रै पनि ज्यान जोगाउँन सके कार्यक्रम सफल हुने उनी बताउँछिन । यस प्रकारका कार्यहरुले समाजमा अवश्य पनि सकारात्मक असर पर्ने दुबै संस्थाकाका प्रतिनिधिहरुले विश्वास जनाएका छन् ।

सोही अवसरमा सेफ ड्राइभ इन्डियाले दादा ड्राइभिङ एण्ड सेफ्टी स्कुलको टोलीलाई डिफेन्सिभ ड्राइभिङको तालिम तथा प्रमाणपत्र समेत प्रदान गरेको छ ।