दुर्घटनामा निओ ईभी भयो दुई टुक्रा, ब्याट्री र यात्रु सुरक्षित

चीनमा हालै भएको एक भयानक दुर्घटनामा निओ ईभी दुई टुक्रा भएको छ । डिसेम्बर १ मा सांघाईमा निओ ईसी६ इलेक्ट्रिक एसयूभी उच्च गतिमा दुर्घटनामा परेको थियो ।

दुर्घटनाका क्रममा गाडीको पछाडिको भाग कंक्रीटको सडक छेउको अवरोधमा ठोक्किएपछि क्याबिनबाट विभाजित भयो । दुर्घटना भएको केही समयपछि जारी गरिएको विज्ञप्ति अनुसार, गाडीको सुरक्षा प्रणालीले तुरुन्तै घटनाको बारेमा जानकारी गराएको थियो ।

दुर्घटना बारे जानकारी पाउने वित्तिकै निओका कर्मचारीहरू घटनास्थलमा पुगे र यात्रुहरूलाई अस्पताल पु¥याए । कारमा सवार दुबै यात्रु सकुशल रहेका थिए ।

कम्पनिका अनुसार उक्त कारले दुर्घटनाको समयमा आफ्नो चालक–सहायता प्रणाली प्रयोग गरिरहेको थिएन । एक पटक टक्कर भएपछि, कारको ढोका स्वचालित रूपमा अनलक भयो र ह्यान्डलहरू तैनाथ गरियो, जसले गर्दा यात्रुहरू बाहिर निस्कन पाए ।

ब्याट्री प्याकमा आगो लागेन वा थर्मल रनअवे वा सुरक्षा जोखिमको कुनै संकेत देखाएन । स्थानीय प्रहरीले दुर्घटनाको कारणको अनुसन्धान गरिरहेको छ ।

ईसी६ २०२० देखि चीनमा उत्पादन गरिएको मध्यम आकारको इलेक्ट्रिक कूपे एसयूभी हो । डुअल–मोटर अल–ह्वील–ड्राइभ सिस्टम भएको यस कारले ३६० किलोवाटको संयुक्त पावर जेनरेट गर्दछ । कारमा १०० किलोवाट आवर क्षमताको ब्याट्री प्याक प्रयोग गरिएको छ, जसले ६३० किलोमिटरसम्मको रेन्ज प्रदान गर्दछ ।