मौद्रिक नीतिको समीक्षाले अटोमोबाइल क्षेत्रलाई छोएन

काठमाडौं– राष्ट्र बैंकले चालु आर्थिक वर्षको मौद्रिक नीतिको समीक्षा सार्वजनिक गरेको छ । तर, समीक्षामा अटोमोबाइल क्षेत्र सम्बन्धि कुनैपनि प्रावधान समावेश गरिएको छैन ।

जेनजी आन्दोलन पश्चात अटोमोबाइल क्षेत्र सुस्ताएको छ । त्यसकारण अटोमोबाइल क्षेत्रले मौद्रिक नीतिको समीक्षामार्फत अटो लोनमा सहजता प्रदान गर्ने नीतिको अपेक्षा गरेको थियो । खासगरी लोन टू भ्यालू रेसियोमा फेरबदल हुनेपर्ने माग अटोमोबाइल व्यवसायीहरुले राख्दै आएका थिए ।

अहिले सबैखाले सवारी साधन खरिदमा लोन टू भ्यालू रेसियो ६०ः४० छ । यस प्रावधानले गाडी बिक्री हुन नसकिरहेको भन्दै व्यवसायीहरुले लोन टू भ्यालू रेसियो ८०ः२० गर्नुपर्ने माग गर्दै आएका थिए ।

तर, राष्ट्र बैंकले मौद्रिक नीतिको समीक्षामार्फत लोन टू भ्यालू रेसियोसहित अटोमोबाइल क्षेत्र सम्बन्धि कुनैपनि प्रावधान समावेश गरेन ।

यद्यपी, बैंकिङ क्षेत्रमा थुप्रिएर बसेको तरलता परिचालनका लागि कर्जा विस्तारमा प्रोत्साहन गर्ने नीति लिएको र ब्याजदर घटाउन सहयोग पुग्ने गरी नीतिगित दर घटाएका कारण सवारीसाधनको कारोबारमा भने थप सहजता हुने देखिन्छ ।