यामाहा एक्सएसआर १५५ भारतमा डेलिभरी सुरु, नियो–रेट्रो मोटरसाइकलप्रति बढ्यो उत्साह

यामाहाको नियो रेट्रो मोटरसाइकल एक्सएसआर १५५ अन्ततः भारतीय बजारमा आइपुगेको छ । कम्पनीले यसको डेलिभरी सुरु गरिसकेको छ र बाइक डिलरशिपमा पुग्ना बित्तिकै यसको भिडियो सामाजिक सञ्जालमा भाइरल पनि हुन थालेको छ ।

यामाहाले एक्सएसआर १५५ को मूल्य १ लाख ५० हजार भारु तोकेको छ। सो मोडल रोयल इन्फिल्ड हन्टर ३५० र टीभीएस रोनिन जस्ता लोकप्रिय मोटरसाइकलसँग प्रतिस्पर्धा गर्नेछ ।

एक्सएसआर १५५ को प्रमुख आकर्षण यसको डिजाइन मानिन्छ। यसमा गोलो एलईडी हेडल्याम्प, स्लिक बडीवर्क, आकर्षक ट्याङ्क डिजाइन र मिनिमिलिस्ट एप्रोच समावेश छ । सेफ्टीका लागि यसमा अल एलईडी लाइटिङ, डिजिटल इन्स्ट्रयुमेन्ट कन्सोल, ब्लुटुथ कनेक्टिभिटी, ड्युअल च्यानल एबीएस र असिस्ट एन्ड स्लिपर क्लचजस्ता आधुनिक फिचर समावेश छ ।  साथै यसमा १७ इन्च अलोय ह्विल र ट्युबलेस टायर पनि समावेश गरिएको छ ।

एक्सएसआर १५५ मा १५५ सीसी लिक्विड कुल्ड इन्जिन जडान गरिएको छ र भेरिएबल भल्भ एक्चुएशन प्रविधिले सुसज्जित रहेको छ । सो बाइकले १८.१ बीएचपीको पावर र १४.२ एनएमको टर्क उत्पादन गर्छ । सो बाइक शहर तथा राजमार्ग दुबैमा सहज सवारी अनुभव प्रदान गर्छ ।

यामाहा एक्सएसआर १५५ को डेलिभरी सुरु भएसँगै भारतीय बजारमा नियो–रेट्रो मोटरसाइकलप्रतिको रुचि अझ बढ्ने अनुमान गरिएको छ ।