नयाँ पुस्ताको किया सेल्टोस सार्वजनिक हुने मिति घोषणा, नयाँ ड्यासबोर्ड र एडास फिचर पाइने

काठमाडौं– कियाले आफ्नो लोकप्रिय एसयूभी सेल्टोसको दोस्रो पुस्ता डिसेम्वर १० मा सार्वजनिक गर्ने भएको छ । नयाँ मिडसाइज एसयूभी दक्षिण कोरियामा लन्च हुने र अर्को वर्ष भारतमा आउने अपेक्षा गरिएको छ ।

नयाँ पुस्ताको किया सेल्टोसको डिजाइन लगायत फिचरका बारेमा विभिन्न जानकारीहरु बाहिर आइरहेका छन् । हालै सार्वजनिक भएको स्पाई तस्विर अनुसार कारमा ठाडो एलईडी डीआरएलहरू सहितको नयाँ स्प्लिट एलईडी हेडल्याम्प सेटअप, त्रिकोणीय रियर क्वार्टर ग्लासको साथ रिभाइज्ड विन्डो लाइन, पुनः डिजाइन गरिएको ओआरभीएम र नयाँ डुअल–टोन अलोय ह्विल जस्ता फिचर उपलब्ध हुनेछ ।

हुन्डाई क्रेटाको प्रतिस्पर्धी सो नयाँ एसयूभीको इन्टेरियरमा नयाँ नयाँ ड्यासबोर्ड, फ्रेस अपहोल्स्ट्री र एडास सहित नयाँ सुविधाहरू हुने अपेक्षा गरिएको छ ।

नयाँ पुस्ताको सेल्टोसमा पेट्रोल–हाइब्रिड पावरट्रेन उपलब्ध हुने कियाले पुष्टि गरेको छ । यो हालको १.५ लिटर, ४–सिलिन्डर, प्राकृतिक रूपमा एस्पिरेटेड पेट्रोल इन्जिनमा आधारित हुने सम्भावना छ । नयाँ मोडलमा हालको १.५ लिटर टर्बो–पेट्रोल र डिजेल इन्जिनहरू पनि प्रस्ताव गरिने सम्भावना छ ।