एमजीको सबै मोडलमा अब पिएम २.५ एयर फिल्टर

एमजी मोटर इन्डियाले आफ्ना सबै मोडलमा पिएम २.५ एयर फिल्टर र एयर प्युरिफायर उपलब्ध गराएको घोषणा गरेको छ । भारतमा बढिरहेको वायु प्रदूषणलाई मध्येनजर गरी कम्पनीले यस्तो घोषणा गरेको हो ।

एमजीका अनुसार, एस्टर, ग्लोस्टर, विन्डसर, कमेट, र जेडएस ईभी अब पिएम २.५ एयर फिल्टरहरूले सुसज्जित हुनेछन्, जसले २.५ माइक्रोन भन्दा साना धुलो, धुवाँ, कालो, परागकण र ब्याक्टेरिया जस्ता कणहरू फिल्टर गर्नेछ । क्याविनमा जडान हुने उक्त डिभाइसले हानिकारक कणहरूको ९५ देखि ९९ प्रतिशतसम्म फिल्टर गर्नेछ ।

एमजीले हेक्टर एसय्भीमा भने पिएम २.५ मा भने सक्रिय कार्बन फिल्टरका साथ एयर प्युरिफायर जडान गरेको छ । जसले प्रदूषक, एलर्जी र गन्ध हटाउँने जनाइएको छ ।

कारमा एक एकीकृत एक्यूआई डिस्प्ले समेत राखिएको छ, जसले क्याबिन भित्रको हावाको गुणस्तरमा वास्तविक–समय अपडेटहरू प्रदान गर्दछ ।