नाडाको विशेष साधारण सभा हाललाई स्थगित

काठमाडौं–नाडा अटोमोबाइल्स एसोसिएसन अफ नेपाल (नाडा) ले आगामी विशेष साधारण सभा स्थगित गर्ने निर्णय गरेको छ ।

आज बसेको नाडाको २२ औं केन्द्रीय कार्य समितिको बैठकले भाद्र २४ गते मङ्गलबारका दिन ललितपुरको झम्सिखेलस्थित द प्लाजामा आयोजना गर्ने भनिएको विशेष साधारण सभालाई हाललाई सारिएको जानकारी गराइएको छ ।

नाडाले जारी गरेको सूचनामा विशेष साधारण सभा अर्को सूचना प्रकाशित नभएसम्मका लागि स्थगित गरिएको उल्लेख गरिएको छ । संस्थाले उपयुक्त समयमा नयाँ मिति तोकी विशेष साधारण सभा बोलाइने जनाएको छ ।

यसअघि तय भएको कार्यक्रम अनुसार साधारण सभामा नाडाका आन्तरिक विषय तथा संस्थागत निर्णयहरूमा छलफल हुने अपेक्षा गरिएको थियो । तर केन्द्रीय कार्य समितिको निर्णयअनुसार तत्कालका लागि सभा रोकिएको हो ।

विशेष साधरणसभा रोक्नका लागि असन्तुष्ट पक्षले जिल्ला प्रशासन कार्यलयमा निवदेन दिएपछि तत्कालका लागि साधरणसभा नर्गन निर्देशन दिएको थियो ।