तयार हुँदै अब एमजी साइबर एक्स, चर्चामा पप–अप हेडलाइट, ओप्पोको ककपिट र कनेक्टिभिटी

एमजीले आफ्नो फ्ल्यागशिप मोडल साइबरस्टर पछि साइवर सिरिजमा अर्को नयाँ मोडल ल्याउने तयारी गरेको छ । चीनमा हालै सम्पन्न सांघाई अटो शोमा एमजीले साइबर एक्सको कन्सेप्ट सार्बजनिक गरेर यसबारे जानकारी दिएको थियो । साइबर एक्स अर्को वर्ष लन्च हुने अनुमान गरिएको छ ।

साइबर एक्सलाई एमजीले म्याक कलर एक्सटेरियरका साथ बक्सी बडी डिजाइनमा तयार पार्न लागेको हो । कारमा प्रमुख विशेषताका रुपमा पप–अप हेडलाइट रहने जनाइएको छ्, जुन प्रयोगमा हुँदा देखा पर्छ भने बन्द हुँदा बडीमा फर्कन्छ ।

साइबर एक्सको डिजाइन यसअघि फक्सवागन, बिएमडब्लु र रोल्स रोयसजस्ता विश्व प्रख्यात ब्रान्डका कारको डिजाइन गरिसकेका अनुभवी डिजाइनर जोजेफ काबानले गरेका हुन् ।

कन्सेप्टमा देखाइए अनुसार, एमजी साइबर एक्समा ब्ल्याक ए र बी पिलरहरू छन्, जसले गर्दा छेउबाट हेर्दा यसलाई तैरिरहेको छानाको प्रभाव दिन्छ । ककपिट र कनेक्टिभिटी स्मार्टफोन निर्माता ओप्पोसँग मिलेर विकास गरिएको छ ।

कम्पनीले साइबर एक्सको लागि टेक्निकल स्पेसिफिकेसन र मूल्यबारे कुनै जानकारी वाहिर ल्याएकोे छैन । साइबर एक्ससहित एमजीले अवको दुई वर्षमा आठ नयाँ ईभी मोडल लन्च गर्ने योजना बनाएको छ, जसमा ठूलो आकारको एसयूभी, सेडान र स्पोर्ट्स कारहरू समावेश छन् ।