नाइमा एक्सपोमा एमजीको वर्षकै सबैभन्दा ठूलो अफर सार्वजनिक

काठमाडौं – राजधानीको भृकुटीमण्डमा जारी नाइमा नेपाल मोबिलिटी एक्सपो २०२५ मा एमजीले वर्षकै सबैभन्दा ठूलो अफर सार्वजनिक गरेको छ ।

नेपालमा एमजी गाडीहरूको आधिकारिक वितरक पारामाउन्ट मोटर्सले एक्सपो अवधिमा मात्र लागू हुने गरी सो अफर सार्वजनिक गरेको हो ।

साउन २५ गतेसम्म, हल ए (स्टल ए १ र ए ३ ) र हल बी (स्टल एच ३) मा रहेका एमजी र आइएमका स्टलहरूमा गएर ग्राहकहरूले सीमित अवधिका लागि लागू हुने अफरहरू प्राप्त गर्न सक्ने छन् । यी अफरहरू एमजी ४ ईभी, एमजी एस५ ईभी, विन्डसर ईभी, कमेट ईभी र भविष्यको प्रविधि समेटिएको एमजी आइएम ६ जस्ता चर्चित मोडलहरूमा उपलब्ध छन्।

४ लाख रुपैयाँसम्मको छुट, निःशुल्क कम्प्रिहेन्सिभ इन्स्योरेन्स र प्रत्येक खरिदमा ३ किलोवाट वा ७ किलोवाट चार्जर निःशुल्क पाइने जस्ता आकषर््ाक सुविधाहरु यसमा छन् । यो एमजीको अहिलेसम्मकै सबैभन्दा आकर्षक अफर भएको कम्पनीको भनाइ छ ।

“यो एक्स्पो गाडीहरू देखाउन मात्र होइन, ग्राहकहरूलाई स्मार्ट र ग्रीन मोबिलिटीतर्फ सहज रूपले अघि बढाउने प्रयास पनि हो,” पारामाउन्ट मोटर्सका महाप्रबन्धक सुनील बहादुर क्षेत्रीले भने, “हामीले एमजीको स्वामित्वलाई अझ सहज र पहुँचयोग्य बनाउन यस अफरमार्फत अतुलनीय मूल्य प्रदान गरिरहेका छौं।”

उत्साहजनक सहभागिता र प्रतिक्रियासँगै, एक्स्पोमा एमजीको उपस्थितिले ब्रान्डप्रतिको लोकप्रियता र नेपालको विद्युतीय मोबिलिटी परिवर्तनप्रतिका सोचलाई प्रस्ट पारेको कम्पनीको भनाइ छ।