हिरो एक्सपल्स २०० किन्ने कि, एक्सपल्स २१० कुर्ने ? यस्तो छ भिन्नता

हिरो एक्सपल्स नेपाली युवा राइडरमाझ निकै चर्चा कमाएको मोटरसाइकल हो । २०० सिसी इन्जिनमा उपलब्ध यस मोटरसाइलको मुल्य नेपाली बजारमा ४ लाख ७५ हजार रुपैयाँ कायम गरिएको छ । एक्सपल्सलाई कच्चि र पक्कि दुबै सडकमा सहजताका साथ चलाउन सकिन्छ ।

हिरो मोटोकर्पले हालै भारतमा एक्सपल्स २१० लन्च गरेको छ । नयाँ मोडल लन्च भएपछि यसअघि एक्सपल्स २०० प्रयोग गर्दै आएका राइडरले समेत नयाँ मोडलमा अत्याधिक रुची राखेका छन् । नेपाली बजारमा समेत प्रतिक्षा गरिएको एक्सपल्स २१० संभवत आगामी नाडा अटो शोमा लन्च हुनेछ । यस्तो अवस्थामा, चाँडै बिक्री सुरु हुन लागेको एक्सपल्स २१० कुर्ने कि, हाल उपलब्ध एक्सपल्स नै २०० खरिद गर्ने भन्ने विषयले राइडरमा अन्योलता थपेको छ ।

हालको एक्सपल्स २०० भन्दा बढि एड्भेन्चर फिल हुनेगरी यसको डिजाइन गरिएको छ । साथै, ईन्जिन समेत केही ठूलो भएका कारण यसले दिने पावर र पर्फमेन्स समेत उच्च रहेको छ । एक्सपल्स २१० को सिट हाइट समेत केही अग्लो छ भने तौल १० केजी बढि छ । इन्जिन ठूलो भएका कारण यसले दिने माइलेजमा भने केही कमी हुनेछ ।

एक्सपल्स २०० फोरभी
एक्सपल्स २०० फोरभीमा १९९.६ सीसीको सिंगल सिलिन्डर, फोर स्ट्रोक, बीएस ६ इन्जिन जडान गरिएको छ । यस इन्जिनले अधिकतम १९.१ बिएचपी पावर तथा १७.३५ एनएमको टर्क जेनेरेट गर्छ । ईन्जिनलाई ५ स्पिड गियरवक्ससंग जोडिएको छ ।

मोटरसाइकलको फ्रन्टमा टेलिस्कोपिक फर्क र रियरमा एडजस्टेवल मोनोसक सस्पेन्सन छ । बाइकको दुबै चक्कामा ट्युवलेस टायर र डवल डिस्क ब्रेक छ । हिरो एक्सपल्स २०० मा सिंगल च्यानल एबीएस मात्रै छ ।

सम्पूर्ण लाईट एलइडी राखिएको यस मोटरसाइकलमा प्रोजेक्टर हेडल्याम्प र टेलल्याम्प पाउन सकिन्छ । डिजिटल इन्ट्रुमेन्ट कन्सोल, कनेक्टिभिटी सिस्टम, टर्न वाइ टर्न नेभिगेसन सिस्टम, गियर रेसियो, यूएसबी पोर्ट, आल्मुनियम ब्लस प्लेट, तीन फरक एबीएस मोड र स्पोक ह्वील दिइएको छ ।

एक्सपल्स २१०
एक्सपल्स २१० मा २१० सीसी सिंगल सिलिण्डर, डीओएचसी, फोर भल्ब, लिक्विड कुल्ड इन्जिन दिइएको छ । उक्त इन्जिनले अधिकतम २४.६ बीएचपी पावर तथा २०.७ एनएम टर्क जेनेरेट गर्छ । यसमा ६ स्पीड गियरबक्स दिइएको छ । एक्सपल्स २१० मा नयाँ डिजाइनको फ्युल ट्यांकि दिइएको छ भने मोटरसाइकलको फ्रन्टमा फुल्ली एड्जस्टेबल यूएसडी फर्क तथा रियरमा ट्राभल मोनोशक सस्पेन्सन पाउन सकिन्छ ।

यस मोटरसाइकलमा स्वीचएबल डुअल च्यानल एबीएस, ट्याकोमिटर, ओडोमिटर , गियर पोजिसन इन्डिकेटर र टर्न बाइ टर्न नेभिगेसन देखिने ४.२ इन्चको टीएफटी इन्स्ट्रयुमेन्ट क्लस्टर, स्मार्ट कनेक्ट फिचर, अगाडि गोलो एलईडी हेडल्याम्प, विन्ड स्क्रीन, एलईडी टर्न इन्डिकेटर जस्ता फिचरहरू छन् ।