‘बजाज ग्रान्ड कार्निभल’ शुरु, २० बढी भ्यालुएटर्सबाट उच्चतम भ्यालुएसनका साथ बाइक साट्ने अवसर

काठमाडौँ – बजाज मोटरसाइकलको आधिकारिक बिक्रेता हंसराज हुलासचन्द एन्ड कम्पनी प्रालिले ‘बजाज ग्रान्ड कार्निभल’ योजना ल्याएको छ । भृकुटीमण्डपमा हिजाे देखि सुरु भएको सो मेला आगामी बैशाख २१ गतेसम्म चल्ने छ ।

‘बजाज ग्रान्ड कार्निभल’ मार्फत ग्राहकहरुले २० भन्दा बढी भ्यालुएटर्सहरूबाट ग्यारेन्टीका साथ उच्चतम भ्यालुएसन, अन द स्पट फाइनान्स तथा निःशुल्क एसेसरिज पाउने कम्पनीले जनाएको छ ।

यसअघि मोटरसाइकल खरिद गर्दा घर जग्गाको लालपुर्जा, पानी वा बिजुलीको बिल, आफ्नो आयस्रोतको सर्टिफिकेट लगायतका विभिन्न कागजात देखाउनु पर्ने हुने झन्झटिलो प्रक्रियालाई यो योजनाले सरल बनाउनेछ ।

किस्ताबन्दीमा किन्न चाहने ग्राहकले १ घण्टाभित्रै ऋण पास गरेर ९.९९ प्रतिशत सुलभ ब्याजदरमै सरल फाइनान्समार्फत यो सुविधा पाउन सक्ने जनाइएको छ । सो बजाज ग्रान्ड कार्निभलमा ग्राहकहरुको लागि गेम जोन, टेस्ट राइड पनि रहेको छ ।

‘बजाज ग्रान्ड कार्निभल’ नेपालको बृहत ठुलो मोटरसाइकल एक्सचेन्ज योजना भएको कम्पनीको भनाइ छ । सो योजना अन्तर्गत ग्राहकहरुलाई आफ्ना पुराना बाइकहरूको उच्चतम् मूल्याङ्कन प्राप्त गरेर बजाजका आकर्षक नयाँ मोडलहरू लैजाने अवसर उपलब्ध हुनेछ ।