लगातार ४ महिनासम्म ३ हजार भन्दा बढी युनिट बिक्री भयो एमजी विन्डसर

एमजीले हालै भारतमा एमजी विन्डसर इलेक्ट्रिक कार लन्च गरेको थियो । सो कारले सबै ग्राहकहरूको मन जित्न सफल भएको छ।

एमजी विन्डसर इलेक्ट्रिक कार लगातार चौथो महिनामा ३ हजार भन्दा बढी युनिटको बिक्री हासिल गरेको छ । एमजी मोटर इन्डियाले जनवरी २०२५ मा विन्डसरको ३ हजार २७७ युनिट बेचेको थियो । डिसेम्बर २०२४ मा ३ हजार ७८५ युनिट, नोभेम्बर २०२४ मा ३ हजार १४४ युनिट र अक्टोबर २०२४ मा ३ हजार ११६ युनिट बिक्री भएको थियो ।

एमजी विन्डसरमा ३८ किलोवाट आवरको लिथियम आइरन फस्फेट ब्याट्री भएको स्टेबल म्याग्नेटिक सिंक्रोनस मोटर जडान गरिएको छ । सो मोटरले अधिकतम १३६ पीएस पावर र २०० एनएमको अधिकतम टर्क जेनेरेट गर्छ । फुल चार्जमा यसले अराई प्रमाणित रेन्ज ३३२ किलोमिटर छ । सो कारमा इको प्लस, इको, नर्मल र स्पोर्ट गरी चार ड्राइभिङ मोड रहेको छ ।

एमजी विन्डसरमा एलईडी लाइट, फ्लस डोर ह्यान्डल, १८ इन्चको अलोय ह्विल, एरो-लाउन्ज सिट, फ्रन्ट भेन्टिलेटेड सिट, वायरलेस एन्ड्रोइड अटो र एप्पल कारप्ले सहितको १५.६ इन्चको टचस्क्रिन इन्फोटेनमेन्ट सिस्टम, पीएम २.५ फिल्टर, पावर्ड टेलगेट र प्यानोरामिक सनरुफ जस्ता फिचर रहेको छ । कारमा कनेक्टिभिटीको लागि डिजिटल ब्लुटुथ पनि रहेको छ ।